sehatry ny fitaterana anabakabaka, dia nisy ny sonia fifanarahana fiaraha-miasa teo amin'ny Aviation Civile de Madagascar (ACM), ny Agence pour la Sécurité de la Navigation Aérienne en Afrique et à Madagascar (ASECNA) ary ny sampan-draharaham-panjakana mifehy ny fifandraisana amin'ny teknolojia (ARTEC) ny 30 desambra lasa teo. Izany dia natao ho fanamafisana ny fiaraha-miasa teo amin` ny telo tonta sy ho famaritana ny andraikiny avy amin'ny famahana ireo olana amin` ny korontana sy ny fiarovana ireo mari-drefy matetika ampiasaina amin'ny sehatry ny anabakabaka. Ny marimarina kokoa, io fiaraha-miasa io dia natao hiarovana ireo mpitantana seranam-piaramanidina, ny kaompaniam-pitaterana anabakabaka sy maro hafa koa… « Faly manokana aho fa afaka nanamafy izao fiaraha-miasa amin'ny ACM sy ASECNA izao, io no ivon'ny dinidinika hatrizay nefa androany vao tratra. Resy lahatra aho fa ny fanaovan-tsonia an'ity fifanarahana ity dia hampihena be ireo olana mifandraika amin'ny fikorontanan'ny fahita matetika amin'ny fitaterana anabakabaka", hoy i Laurent Rakotomalala, Tale Jeneralin'ny ARTEC. Raha zohina ity fampitam-baovao avy amin` ny ARTEC omaly ity dia misy hifandraisany amin` ilay raharaha volamena 73,5kg. Sanatria io no fanazavana mahakasika ireo « caméra de surveillance» sy ny tsy niandry ny baikon` ny « tour de controle”teny Ivato araka ny vaovao niparitaka ny alahady lasa teo ? Marihana hatrany fa tamin` ny 30 desambra 2020 no natao io fifanarahana io kanefa omaly 10 janoary 2021 vao naparitaka amin`ny pejy ofisialin` ny ARTEC.
Marigny A.
Mbola tsy misy jiro any Sambava hatramin’ny omaly, mbola miandry ny fahatongavan’ny solika avy any Antalaha !
Na kandida tanaty fitondrana aza nisy tsy nahazo ilay taratasin-ketra «211 bis» ary maro,
Zazalahy kely iray vao 13 taona monja, mpianatry ny sekoly tsy miankina MDF Bealanana no hita faty
Lehilahy iray 36 taona, monina ao amin'ny Fokontany Mangabe no fantatra fa nanaparitaka
Nodimandry teo amin'ny faha-77 taonany ny Tale jeneralin'ny Apipa teo aloha Rateloson Philippe.
Tsy resaka mandeha intsony fa tena rakotra tera-tany Karana Indo-Pakistanais ao anatin’ny distrikan’Antananarivo Atsimondrano.