Actualités

 hanaovana famokarana herinaratra mandeha amin'ny masoandro, veliranon'ny filoham-pirenena ao amin’ny kaominina Amboditandroroho Toamasina II, hoy ny fampitam-baovao voaray. Ny mponina mivondrona amin'ny fikambanana FIPAMA na Fikambanan'ny Mpamboly Manambatsio no nanajary azy rehefa lasa ireo mpanjanaka na “colon” naka ny tanin'ny razan’izy ireo ny taona 1923, hoy ny fanazavana. Nitondra Polisy, araka ny baiko nomen'ny fitsarana, ny vadintany nefa rehefa tonga teo an-toerana dia vao niala ny vavahady dia nametraka hazo mitsavalana indray ireo mpiasan'ity orinasa ity niaraka tamin'ny EMMO izay manampy azy ary dia nasian'izy ireo fiara hibahana ny lalana masaka efa nampiasaina hatramin'izay. Nanao tatitra ny vadintany amin'izao tsy faneken'ity orinasa ity ny didim-pitsarana izao. Nidina ny baiko avy any ambony fa tsy maintsy miala ao ny polisy nentin'ny vadintany ary tonga nanamafy ireo namany efa lasa mpiandry ny tanin'ity orinasa ity ny EMMO. Tsy nanaiky lembenana anefa ireto vahoaka fa niha maro hatrany ka dia nihemotra ny EMMO niala ny toerana aloha. Tsy nisy ny fifandonana fa mbola mienjana ny tady satria tsy atokisan'ireto mponina fa nihemotra ity orinasa ity ka samy mbola mifampiandry ny roa tonta. Tsy asian’ity orinasa ity hasiny ny fitsarana malagasy, hoy hatrany ny fampitam-baovao.

J. Mirija