tia tanindrazana

Parution du Mardi, 7 Décembre 2021

airtel

Actualités

« Agents » an’ny ladoany leo kolikoly Nanao taratasy fitarainana sy ampamoaka goavana

Nandefa taratasy misokatra ho an’ny Sendikan’ny Fadintseranana Malagasy sy ny mpiara-miasa aminy ireo Fikambanan’ny “Agents”

20-oct-2021

Sample post image

 eo anivon’ny ladoany ny 15 oktobra teo, izay naneho fa leo kolikoly. Naneho izy ireo, fa misy ny namany tra-pahavoazana, toy ilay tany Toliara izay nigadra noho ilay resaka volamena 73kg; ny any Toamasina izay voaheloka ankehitriny noho ny raharaha 5 TC izay nitranga efa an-taonany maro lasa ; ao amin'ny « service statistique » izay tapaka karama sy tombotsoa efa ho taona iray noho ny resaka famoahana entana tany Nosy Be sy Toliara. Nilaza izy ireo fa ny madinika ihany no mitondra faisana. « … tsy afaka ny hibaiko ny tenanay na hanao izay tianay atao fa tsy maintsy manaraka ny baiko izay omen' ny lehibe, nefa rehefa misy ny tsy mety dia ireo lehibe ireo indray no manome lamosina anay « agents » nanatanteraka ny baiko nomena anay, ary iarahantsika mahita fa misy lehibe iray izay nomelohin'ny fitsarana aza saingy tsy mbola nosoloina ny toerany mandrak'izao satria namana anaty « staff » angamba na hoe lehibe dia tsy afaka soloina », hoy izy ireo. Manahy ny ho avinay izahay satria Atoa Tale Jeneraly dia tsy mijoro hiaro anay « agents » mihitsy nefa iaraha-mahalala fa izy dia namana akaily sy niara-niasa tamin'ilay karana tompon'ny société MAILAKA izay tsy iza fa tompon’ireo entana izay nampisy olana ny mpiara-miasa ao amin'ny « statistique » tamin'ny raharaha Nosy Be sy Toliara, ary tsy vitan'izany fa fony izy mbola resevera taty Vohemar dia io karana tompon'ny société Mailaka (Mr Ra-) tamin'ny alalan'ny société SOKIMA sy ireo orinasany mitondra anarana hafa no namatsy menaka ny faritra SAVA sy DIANA tamin'ny alalan'ny daka baolina « BEP » tsy misy « régularisation » teto amin'ny ladoany Vohemar, hoy ny fitarainana, izay nanondro ny Tale Jeneraly ho mpamoritra ny « Agents » sady manao kolikoly. Nilaza ho tsy miteny tsy misy porofo izy ireo, ka namoaka lisitra raharaha teo anivon’ny ladoany mitentina 3 miliara na 4 miliara mahery tsy niditra tamin’ny ladoany nandritry ny fotoana naha resevera an’ny ladoany tao Vohemar an'Andriamatoa Tale Jeneraly ankehitriny. Santionany amin’ny kaontenera maro be nivoaka antsokosoko, ary efa voafafa tsy ao anatin’ny “manifeste”-n’ny ladoany, saingy azo jerena amin’ny “bon à delivrer” sy ny “frais de manutention”, hoy io taratasy io.
Toky R
 

Dans la même rubrique

Card image cap
Ambatondrazaka Mirongatra ny fanolanana zaza tsy ampy taona
07-déc-2021

Mirongatra ny fanolanana zaza tsy ampy taona any amin’ny distrikan’Ambatondrazaka, Faritra Alaotra Mangoro. Zazavavy kely iray vao 11 taona indray no fantatra fa naolan’ny vadin’ny anabavin-dRainy in-telo

Card image cap
Ady tany ao Amboditandroroho Toamasina II Mihenjana ny tady eo amin’ny mponina sy ny Filatex Tonga vao maraina ny sabotsy 4 desambra 2021 teo ny vad
06-déc-2021

intany nahazo didy avy amin'ny fitsarana hanala ny fefy nanakanan'ny orinasa Filatex hidiran'ny mponina sy ireo miasa ao anatin'ny tany lazainy fa ananany taratasy maha tompony azy,

Card image cap
Rano tapaka lava Mitombo ny hatezeran’ny mponin’Itaosy
06-déc-2021

Tena mijaly ny mponina eny Andranonahoatra Itaosy ka hatrany amin’ny cité des assureurs. Miha mafy hatrany ny fitakian’ireo mponina eny Itaosy mikasika ny olan-drano eny an-toerana.

Voir plus