tia tanindrazana

Parution du Mercredi, 20 Octobre 2021

airtel

Actualités

Ahiahina trafika teny Ivato Misy resaka manjavozavo ihany

Ritsoka avy any amina loharanom-baovao iray no ren’ny tompon’andraikitra teny amin’ny seranam-iaramanidina iraisam-pirenena Ivato ka nahatonga azy ireo naka fepetra hentitra hisava ireo mpandeha rehetra

20-sept-2021

Sample post image

 nandray ny sidin’ny Ethiopian Airlines nihazo an’I Addis Abeba ny 15 septambra lasa teo.Anisan’ireo voasava ny governoran’Analamanga, ny depiote mirahalahy Andry Ratsivahiny sy Tsiliva.Ny fisavana ity farany ilay niteraka resabe ary nivoahan’ny feo fa hoe misy ahiahina trafikana volamena.Nisy ihany koa ireo teratany Karana miisa 8 izay nambara fa efa voasambotra tany Nosy be noho ny fikasana hanondrana volamena kanefa dia hita teny Ivato indray.Nanazava sy nanadio tena moa ny depiote Tsiliva avy eo tao amin’ny fahitalavitra Real TV saingy maro no tsy resy lahatra tamin’ny zavatra nambarany tao.Ny tena ipetrahan’ny adihevitra dia ny hoe samy nosavaina ny olona rehetra, ka izay tsy nahitana na inona na inona sy zavatra mampiahiahy dia niditra tao anaty fiaramanidina ary lasa; fa nahoana no niverina nody ny depiote Tsiliva ? Efa mazava anefa araka ny nambarany fa nosavaina ny entany rehetra ka tsy nahitana zavatra mampiahiahy na dia iray aza.Ka inona no antony tsy nahafahany niondrana sy nandray ilay sidin’ny Ethiopian Airlines nankany Addis Abeba; avy eo indray izy no mandray fiaramanidina mihazo an’i Abu Dhabi , izay nolazaina fa toerana hamonjeny fivoriana momba ny resaka koltoraly ny 19 septambra izany hoe tokony omaly alahady.Na ireo sary sy horonantsary fisavana ny entana aza lasa niteraka resabe satria raha ny tokony ho izy , dia voarara ny maka sary amina toerana saropady toa ireny indrindra fa hoe misy hetsika ataon’ny tompon’andraikitra sy ny mpitandro filaminana amina fisavana izany. Ary ny fakana ilay sary dia hita hoe nalaina an-kariihary fa tsy resaka “caméra caché”. Ny fanadihadiana ihany moa, raha misy no hahafantarana ny tena marina fa hatreto aloha dia manjavozavo be ihany iny raharaha iray iny.
RTT
 

Dans la même rubrique

Card image cap
« Agents » an’ny ladoany leo kolikoly Nanao taratasy fitarainana sy ampamoaka goavana
20-oct-2021

Nandefa taratasy misokatra ho an’ny Sendikan’ny Fadintseranana Malagasy sy ny mpiara-miasa aminy ireo Fikambanan’ny “Agents”

Card image cap
Analamanga Park Vita ny asa fanavaozana, misokatra amin’izay
18-oct-2021

Niverina nisokatra nanomboka ny Sabotsy teo ny toeram-pialamboly sy fitsangantsanganana “Analamanga Park” ao anatin’ny kaominina ambanivohitra Ambalavao, distrikan’Antananarivo Atsimondrano.

Card image cap
Fiara mpanara-dia ny Filoha tra-doza Ankizy 5, vehivavy 1 ary miaramila 4 naratra
18-oct-2021

Fiara mifono vy an’ny tafika nanaraka ny filoham-pirenena na “cortège présidentiel” no tra-doza teny Ambatobe omaly alahady 17 oktobra hariva. Olona 10 no naratra naratra,

Card image cap
Fanesoesoana tsy fahasalaman’olona Tezitra amin’ny minisitra ny mpanao gazety vehivavy
18-oct-2021

Naneho ny alahelony ny Fikambanan'ny vehivavy mpanao gazety eto Madagasikara - Association des Femmes journalistes de Madagascar- FJM,

Card image cap
May indray Ankarafantsika Niniana nodorana, iray voasambotra
18-oct-2021

Nanomboka ny sabotsy no miady mafy amin'ny afo mandravarava ny valanjavaboaharin’Ankarantsika ny ekipan'ny Ministeran'ny Tontolo Iainana sy ny MNP (Madagascar National Parks),

Card image cap
Biby Malagasy hitadiavam-bola any ivelany Hifandinihana amin’ireo firenena ahitana azy
18-oct-2021

« Zavatra mampalahelo sy mahamenatra ny fisian’ny zava-manan’aina tsy hita afa-tsy eto Madagasikara, harenantsika, kanefa any amin’ny firenen-kafatra indray no lasa ahitana azy betsaka »,

Voir plus