airtel

Actualités

26-oct-2021

Actualités

Ambohidahy Ankadindramamy Fatin-dehilahy iray hita tao anaty rano

Sample post image

Lehilahy iray hita faty tao anaty rano tetsy Ambohidahy Ankadindramamy omaly vao maraina. Ankizy kely nilalao no nahita sy nahatsiritra izany voalohany, ka nilaza fa misy saribakoly be ao anaty rano.

26-oct-2021

 Rehefa nojerena anefa, dia faty olona no nihohoka tao, ka nampandre ny Fokontany ny olona, samy tonga teny an-toerana ny Filoham-pokontanin’Ambohidahy sy Ambohimirary. Ireo indray avy eo no nampandre ny mpitandro filaminana sy ny BMH (Bureau Municipal d’Hygiène). Tombanana ho nianjera ka nentin'ny rano nandritra ny ora-nikija alin’ny alahady, ka teo amin'io toerana nahitana azy io vao nijanona. Sahabo ho 100 metatra mahery miala amin’ny toerana nahitana ny razana ny arabe izay misy tetezana kely iray, matetika difotry ny rano rehefa tena betsaka ny rotsak’orana, ka tombanana ho teo no lasan’ny rano izy io, ary tany amin’ny toerana iray somary dobo fiandronan’ny rano vao tafajanona. Hatry ny harivan’ny alahady izy io no voalaza fa tsy hitan'ny vadiny sy ny fianakaviany ary nokarohina, ka raha vao nahita ny zarana tao anaty rano na mbola tsy niseho endrika akory aza dia fantatry ny anabaviny avy hatrany, fa ilay anadahin’izy ireo tsy hita io, ka izy indray no nampandre ny fianakaviana. Mpivaro-kena sy anana eo Ambohimirary ity lehilahy ity, ary mipetraka eo Ampanontokana, raha ny fanampim-baovao. Tonga teny an-toerana naka ny razana ny BMH. Vao roa volana no maty ny rahalahiny noho ny aretina nahazo azy, ary izao nodimandry ihany izy, araka ny fanazavana hatrany. Mirary fiononana feno ho an'ny fianakavian'ny maty isika. Tsara ny manamarika, fa tsy vao izao no nisy fatin’olona nentin’ny rano tao amin’io dobo io satria 6 taona teo izay, dia efa nisy zazakely iray nentin’ny rano, nokarohina sy nanaovana fombafomba teo an-toerana.
Toky R
 

Dans la même rubrique

27-mars-2024

Olana mandavan-taona! Mikorontana indray ny famokarana herinaratra

Card image cap
27-mars-2024

Nitombo hery haingana ka lasa rivodoza, ary nomena ny anarana hoe “GAMANE

Card image cap
27-mars-2024

Lehilahy iray 26 taona indray no tratra nanolana zazavavy kely vao 14 taona monja tany Miarinarivo,

Card image cap
26-mars-2024

Nahatratra 35 isa ny fitarainana azon’ny polisy misahana ny zaza tsy ampy taona

Card image cap
26-mars-2024

Misy andro ratsy miforona any Atsinanan’ny Faritra SAVA any amin’ny ranomasimbe Indiana.

Card image cap