Oniversiten’Antsiranana ny alin’ny alatsinainy hifoha talata. Tsy faly amin’ny fahatapahan-drano izay iraisana amin’ny rehetra ny mpianatra, ary nanampy trotraka izany fahatapahan-jiro nanomboka tany ho any amin’ny 11ora alina. Raikitra noho izany ny sakorokara tao anatin’ny toeram-ponenan’ireo mpianatra Campus Lazaret satria nodoran’ireo mpianatra ny antontan-kevitra sy antontan-taratasy tao amin’ny Birao momba ny raharaha sosialy eo anivon’ny Oniversite, izay ravarava sy voaroba, ka solosaina miisa 3 indray no voalaza fa tsy hita. Niditra an-tsehatra ny mpitandro filaminana tetsy an-kilany, ka nifamaliana ny tora-bato sy ny poa-basy. Hatramin’ny 12ora alina mbola nanakoako ny firefotry ny basy. Tafiakatra 10 ny mpianatra voasambotra, raha ny vaovao azo omaly. Somary nilamindamina ny toe-draharaha tao amin’ny Campus Lazaret omaly talata, nandeha ny fampianarana. Mamahatra sy mivezivezy manodidina, ary mipetrapetraka ao amin’ny faritra ny toeram-ponenan’ny mpianatra kosa ny mpitandro filaminana. Tsara ny mampahatsiahy, fa ny 07 janoary lasa teo no efa nisy ny hetsika sy famotehan-javatra sy halatra tahaka izao tao amin’ny Oniversiten’Antsiranana noho ny olona mitovitovy amin’izao ihany.
Toky R
Nambaran’ny Filoham-pirenena Andry Rajoelina fa 250 tapitrisa dolara na 1200 miliara
Amin’ny volana may 2024 no hanomboka miandalana ny asa fananganana ireo foibem-pamokarana
Nampahafantarina ofisialy omaly teny Andraharo misy ny foiben’ny orinasa Telma ny MVola Fô,
Raim-pianakavina iray no fantatra fa maty voatsatok’antsy teo amin'ny lamosiny sy ny kibony tany Antanimalandy
Mbola tsy misy jiro any Sambava hatramin’ny omaly, mbola miandry ny fahatongavan’ny solika avy any Antalaha !
Na kandida tanaty fitondrana aza nisy tsy nahazo ilay taratasin-ketra «211 bis» ary maro,