tia tanindrazana

Parution du Vendredi, 14 Janvier 2022

airtel

Actualités

Araben’Antananarivo Mampirisika ny olona hiasa ilay rahozatra

Andro maromaro izay dia tsikaritra ho nisy lehilahy iray tombanana ho afrikanina izay goavam-be mampidera hozatra eny an-dalana saika mitety toerana maro eto Antananarivo.

08-nov-2021

Sample post image

 Goliatabe, hoy ireo mahita azy. Mampiranty ireo hozany ity lehilahy ity dia mitangorona ny olona. Mampita hafatra amin’ny teny Frantsay izy avy eo hoe "Miasà ry zandry fa aza mangalatra, miasà fa aza mangarom-paosy! Aza maka izay tsy anao!” Maro ireo velom-panontaniana hoe maninona aty ary itony karazan’olona itony. Hatreto aloha tsy mbola nisy nahatsikaritra azy ho nanao adalana fa dia ny mampirisika ny olona, indrindra, ireo tanora hiasa ihany izany aloha no ataony. Analakely, Behoririka, Isotry hatrany Ambohimanarina any no voalaza fa tongan’ity lehilahy goavambe ity ary tena manitikitika ny saina ny iraka sy ny tena anton-diany marina eto. Raha nanontaniana moa izy dia nilaza fa ny asa sy ny fifehezan-tena ary ny fanarahana fitsipika ihany no ahitana fahombiazana eo amin’ny fiainana.

Tsara ho fantatra ihany fa voararan’ny lalàna ny tsy miakanjo ambony mandeha eny an-dalambe eto Madagasikara.
J. Mirija
 

Dans la même rubrique

Card image cap
Roby Alphonse efa nogadraina in-dimy “Saika hovonoina tao Tsiafahy noho ny ady aho”
14-janv-2022

“Resaka tany efa vita ny raharaha Belambo any Toamasina II, fa mivadika ho habibiana. Misy tany 148 Ha niadiavan’ny vahoaka tamin-dRtoa Ranoromalala.

Card image cap
Trafika tany Kaomoro Ny olona tafody, fa ny volamena tavela
14-janv-2022

Tonga omaly tamin’ny 8ora sy sasany maraina teto an-tanindrazana niaraka tamin’ireo iraka ara-panjakana nankany Kaomoro ireo roalahy isan’ny voasambotra tamin’ny fahatrarana volamena 49 kg tany amin’ny Nosy Kaomoro ny 28 desambra 2021 lasa teo.

Card image cap
Orinasa JIRAMA Mitady « releveur »
14-janv-2022

Mitady mpanamari-jiro sy rano na “releveur” amin’izao fotoana izao ny orinasa Jiro sy rano Malagasy na JIRAMA.

Voir plus