Manampy trotraka izany fivoaran’ny tontolo haino aman-jery sy ny asa fanaovan-gazety ary ny tontolon’ny sary mihetsika eto Madagasikara. Ankavitsiana anefa ireo sekoly ambony manofana tanora hiditra eo amin’ny sehatry ny matihanina ao anatin’ireo voatanisa etsy ambony ireo. Izany indrindra no antom-pisian’ny Scoop institute tarihin’ny filoha tale jeneraliny Razafimandimby Mamitiana. Mijoro eto amintsika amim-pomba ofisialy ny sekoly ary mampianatra manontolo ny fianarana ny asa fanaovan-gazety, ny fikirakirana ny latabatra ravahin’ny bokotra maro hafitsoka na ny teknisiana,….Tsy hanavahana na ho an’ireo teknisiana sy mpanao gazety am-perin’asa aza fa mandray hatrany ny sekoly. Toraka izany koa ireo maniry ho lasa mpaka sary matihanina….Fampiharana avy hatrany ny 80%-n’ny fampianarana omena ireo mpianatra raha araka ny fanazavana azo raha 20 % kosa ny teoria. Afaka miasa avy hatrany araka izany ireo mpianatra mahavita fianarana eo anivon’ny sekoly ambony Scoop institute, tanjona napetraky ny filoha tale jeneralin’ny sekoly . Amin’ny 12 Oktobra ho avy izao no handray mpianatra ny sekoly amin’ity taona 2022 ity.
Pati
Legende : Razafimandimby Mamitiana nampahafantatra ireo fitaovana hampiasan’ny sekoly tantanany hanofanana mpanao gazety matihanina
Anisan’ireo tazana tetsy Besarety tao anatin’ilay atrikasa nataon’ireo mpahay lalàna,
Voaheloka higadra 2 taona an-trano maizina miampy fandoavana onitra mitentina 300 tapitrisa Ar
Mitombo indray tato ho ato ireo olona manary zanaka eto amintsika. Zazavavy kely mbola menavava vao teraka
Olona miisa 11 be izao no nokaikerin’ny alika romotra tany amin’ny distrikan’i Soanierana Ivongo,
Hita tao anaty rano omaly maraina, tao amin’ny fokontany Morafeno-Ankeniheny,
Nanamarika iny herinandro iny ny fampahafantarana fa ilay teratany Israelianina Ron Weiss