Botry na tefitefy iray atao hoe “NANY” niainga vao maraina tao Maintirano nitondra mpandeha 30 no rendrika teo ampidirana ny vinanin’i Tambohorano. Vaky roa ilay tefitefy noho ny hamafin'ny onja nentin'ny rivotra. Mpandeha iray avotra no nilaza tamin'ny zandary ny fisian’ny loza. Vao nandre izany dia nitady sambokely haingampandeha roa avy hatrany ireto farany hanavotana ny niharamboina sy nanao ny fikarohana. Voatery natsahatra ny fikarohana rehefa tena tsy ampy ny fahitana tamin'ny alina. Nitohy omaly talata 20 aprily 2021n vao maraina ny fikarohana ka 19 no isan'ny olona hita fa velona omaly hatramin'ny 07 sy sasany maraina ka anisan'izany ny mpanamory an'ilay Tefitefy sy ny mpanampy azy roalahy ary zandary iray miasa ao Besalampy, samy avotra. Fito kosa ireo hita maty ka zandary ny iray, namela kamboty telo. Mpampivelona handeha hiasa ao Bebaboky. Isan’ireo namoy ny ainy tao anatin’ity loza ity ny Delegem-panjakana ao Besalampy sy ny zanany roa ary vehivavy iray zana-drahavaviny. Nisy vehivavy iray hafa koa hita faty. Mpandeha roa no mbola karohina io omaly io, ka zandary manambady ary manan-janaka iray ny iray ary tovovavy mpianatra ny faharoa.
Nangonin’i Jean D.
Anisan’ireo tazana tetsy Besarety tao anatin’ilay atrikasa nataon’ireo mpahay lalàna,
Voaheloka higadra 2 taona an-trano maizina miampy fandoavana onitra mitentina 300 tapitrisa Ar
Mitombo indray tato ho ato ireo olona manary zanaka eto amintsika. Zazavavy kely mbola menavava vao teraka
Olona miisa 11 be izao no nokaikerin’ny alika romotra tany amin’ny distrikan’i Soanierana Ivongo,
Hita tao anaty rano omaly maraina, tao amin’ny fokontany Morafeno-Ankeniheny,
Nanamarika iny herinandro iny ny fampahafantarana fa ilay teratany Israelianina Ron Weiss
.jpeg)
