Actualités

ka isan’ny tena nahery vaika ny sabotsy teo. Telo andro taorian’izay, nilaza Ny Tale Kabinetran’ny Minisiteran’ny angovo sy akoran’afo Atoa Odon Marius Randrianiaina omaly tamin’ny fahitalavitra fa, tsy hoe miala bala ny minisitera sy ny jirama, fa vokatry ny tsy fifampiresahana teo amin’ny "petrôliers" sy ny ladoany no nahatonga ny delestazy ny sabotsy teo, izany hoe: tsy misy hidiran’ny minisitera sy ny jirama akory, hoy izy. Nisy fifanarahana tsy nirindra teo amin’ny roa tonta no nambara fa niteraka delestazy. Nambarany fa nihamaivana ny delestazy taorian’izay satria efa tonga ny solika izay voatazona tao amin’ny seranantsambon’i Toamasina. Ireo menaka mavesatra na “fuel lourd” izay mamatsy ny milin’ny jirama moa no nambara fa nihitsoka. Raha ny vaovao hafa, nosakanan'ny ladoany ny tanker satria mila mandoa vola. Ny orinasan-tsolika ihany koa etsy andaniny manana trosa amin'ny Fanjakana, ka dia nitohy ny fifampiziriziriana, izay ny vahoaka no lasibatra. Nandeha ny fampanantenana fa hihena, raha nisy ny fahatapahana tety Ivato ny maraina teo, dia tsy delestazy iny fa “coupure” izay fahatapahana tsy nahy sy tsy ampoizina raha toa ka fahatapahana voaomana ny delestazy, hoy izy. Manome toky ny minisitera fa hiezaka hanome fahafaham-po ny mpanjifa, ary hihena be ny delestazy, na tsy ho foana aza dia hihena, hoy ny fampanantenana. Any amin'ny faramparan'ny taona 2022 vao tsy hisy intsony ny fahatapahan-jiro raha ny fanazavana. Mahita fialana bala hatrany ity ny mpitondra amin’ny resaka delestazy, ary misy foana io mandavan-taona. Rehefa ririnina lazaina fa noho ny rivotra no mampikoronntana ny famatsiana, fahavaratra lazaina fa simban’ny rano ny milina, lohantaona lazaina fa tsy ampy ny tosiky ny rano,… Ao anatin’ny fanadinam-panjakana ny mpianatra no mandeha ny delestazy. Mirarakompana ny fampanantenana. Faran’ny taona indray no lazaina fa tsy tokony hisy intsony ny delestazy. Tsy vao izao no niresahana tahaka izany satria ny 18 febroary 2022 dia efa nilaza ny Minisitry ny Angovo Andry Ramaroson fa afaka iray volana tokony tsy hisy intsony ny delestazy. Vao mainka loza no niseho. Tsy aleo tsy mampanantena intsony fa mamaha olana aloha vao miteny ?
Toky R