Actualités

tsikaritra kosa anefa fa betsaka koa ny zavatra mbola tsy fantatr’ireo ankizy afaka bakalorea farany teo, hoy ny fanazavan’ny tomponandraikitry ny fampianarana ambony eo anivon’ny sampam-pianarana politeknika, ny Dr Hanitra Ratsimba, nandritry ny hetsika fampahafantarana izany teny amin’ny Plaza Ampefiloha omaly. Manodidina ny 350 isa isan-taona eo no mpianatra vaovao raisin’ny ESPA, hoy izy. Betsaka ny sampam-pianarana na “filière” vaovao tato ho ato. Betsaka ihany koa ny orinasa vaovao nisokatra. Efa mahita asa mifandraika amin’ny fianarana vitany ireo ankizy mivoaka. Roa taona teo koa izay dia tsikaritra ho efa manana ny finiavana hanangana orinasa ireo mpianatra mivoaka eo anivon’ny politeky dia mamorona asa ho azy. Azo lazaina hoe mahavita fianarana vao mijanona ny 80%n’ny mpianatra miditra ato satria ilay mpianatra tafiditra anaty 20% koa matetika mahita fizarana asa dia tamana any dia tsy taitra amin’izay hamita ny fanohanana ny voka-pikarohany. Tafajanona any ireny dia miasa any fa aty aoriana be rehefa mitaky diplaoma vao hoe hanao “soutenance”. Efa miha vitsy ny voaroaka sy miala an-daharana, hoy hatrany izy.

J. Mirija