tia tanindrazana

Parution du Vendredi, 25 Novembre 2022

airtel

Actualités

Famonoana an’i Petit tao amin’ny ACMIL Nampanginina, atody miady amam-bato ?

Nangina tanteraka ny raharaha fahafatesan’I Julien na Petit, ilay mpiasa sivily tao amin’ny Akademia Miramila Antsirabe, izay voalaza fa novonoin’ny miaramila tao amin’ity ivon-toerana ity.

16-sept-2022

Sample post image

 Enin-dahy no naka azy tao an-tranony vao mangiran-dratsy tamin’ny 3 ora maraina ny talata 06 septambra teo, ary nihanika tamboho mihitsy ireo. Tsy niverina tany amin’ny fianankaviany intsony izy taorian’io, ary ny fatiny sisa no natolotra ny fianankaviana andro vitsivitsy taoriana. “Tena potika tanteraka ny lohany, hatrany an-tampon-doha ka hatrany am-paladia. Natao atao anaty “male” ka tsy nisy nahatsikaritra, nototoina vody basy sy nodakana”, hoy ny havany ny havany tamin’izany. Nisy ny karazana tsindry niainga tao anatin’ny toby tamin’ny fotoana nisian’ny tranga mba hanarontsaronana ny resaka, tao ny feo nivoaka fa hoe: hambara fa fahatapahana lalan-drà na “AVC” noho ny fahatairana. Ny sary nivoaka kosa, nisy ratra ny vatany. Nisy aza ny fanamarihana fa tapaka ny hazon-damoziny, tapaka ny tanany, mangana ny vatany rehetra, nodorana tamin’ny herinaratra,... Natao raharaham-pihavanana ve sa mahatsapa ho atody miady amam-bato ny fianankaviany ka nangina? Tsy ho sarotina alohan’ny tompony kanefa ain’olombelona ihany koa io, mametra-panontaniana ihany hoe: Angaha moa na tsy misy mpitory aza kanefa misy ny famonoana olona dia tsy miditra an-tsehatra ny fanjakana? Toa nangingina tsy nisy tohiny iny raharaha iny, toa tonga amin’ilay fandre mahazatra hoe: “mandeha na misokatra ny fanadihadiana”,… Tsy nisy fanazavana na fampitam-baovao ofisialy nataon’ny Minisiteran’ny fiarovam-pirenena na ny ACMIL, fa dia nokononkononina mangina tao. Tsara ny mampahatsiahy fa tsy vao izao no nisiana tranga hafahafa nisiana aina tao amin’ny ACMIL latsaka tao, fa efa nisy ny mpianatra ho mpanamory fiaramanidina namoy ny ainy noho ny antony tsy mazava, efa nisy mpianatra maty nipoahan’ny vanja,… Matimaty foana tahaka ny valala nosamborim-boka avokoa ?
Toky R
 

Dans la même rubrique

Card image cap
Analamalotra, Toamasina II Tsy handefitra ireo milaza ho tompon’ny tany
25-nov-2022

Nametraka fitarainana any amin’ny Nonce Apostolika ny tompon’ny tany ao Analamalotra, Toamasina II, hoy ny fampitam-baovao voaray omaly.

Card image cap
Hivoaka anio ny tombana momba ny Jirama Fifanilihana no betsaka, ny delestazy tsy resy
25-nov-2022

Telo andro na efatra andro lasa no namaly hafatra farany ny Tale Jeneraly mpisolo toerana eo anivon’ny Jirama Atoa Rivo Radanielina, ary eto Antananarivo raha ny nambaran’ny Minisitry ny angovo sy ny akoran’afo omaly.

Card image cap
Fanenjehana an-dry Ketakandriana Nanaovan’ny Iraisam-pirenena tambabe ny fanjakana
25-nov-2022

Nitohy omaly teny amin’ny Polisy ekonomika ny fakana am-bavany an-dRtoa Ketakandriana Rafitoson Sekretra mpanatanteraky ny TI-IM (Transparency International-Initiative Madagascar)

Card image cap
Tetezana Amboay Ambositra 12 lahy tsy ampy taona nanolana vehivavy iray
25-nov-2022

Trangam-piarahamonina isan’ny nanamarika ity herinandro ity ny fanolanana nataona tovolahikely miisa 12 ny vehivavy iray voalaza fa efa ampy taona.

Card image cap
Hafari malagasy “Hisintaka amina toerana tsy misy mpanelingelina aloha izahay”
25-nov-2022

Taorian’ny resaka fanamboarana ny kianjan’Anosizato dia miroso hatrany amin’ny asa fitarihana ny fikambanana Hafari malagasy, hoy ny filohany, Jean Nirina Rafanomezantsoa.

Card image cap
Sehatra tsy miankina Entanina hamokatra izay angovo ilainy
25-nov-2022

Notanterahina tetsy amin’ny Carlton omaly ny andiany faha-6 amin’ny Fiaraha-midiniky ny Rafi-panjakana sy ny Sehatra tsy miankina, nokarakarain’ny EDBM.

Voir plus