zandary nisambotra olona 2 voasaringotra tamina famotehana ala noho ny fanaovana tavy sy tevy ala tany Mandanivatsy Tanambao Besakay Faritra Alaotra ny 20 janoary teo. Ankoatra ny zandary mary, dia olona 2 avy amin’ny fokonolona ihany koa lavo satria nitifitra niaro tena ny zandary iray. Anisan’ireo voasambotra ilay vehivavy nanaparitaka ny sarin'ireo mpiasam-panjakana tamin'ny Tambazotra serasera, izay nisiana fampandohaliana zandary sy lehiben’ny ala. Maro tamin’ireo olona teo an-tànana ihany koa no nitsoaka sy ny nifindra toerana, ka mbola karohina amin’izao fotoana izao. Fepetra sy toromarika hentitra no napetraky ny Jeneraly Sekreteram-panjakana miadidy ny zandarimaria sy Ramatoa Minisitry ny tontolo iainana sy fandrosoana lovainjafy ary ny Jeneraly Komandin'ny Zandarimariam-pirenena; raha fintinina dia hoe "Tolérance zéro": tsy asiana fandeferana na indrafo ny fampiharana ny tany tan-dalàna manoloana ny loza nataon'ireo fahavalom-pirenena mamono olona sy manapotika ny tontolo iainana. Hisy araka izany ny fiaraha-miasa akaiky amin'ny Ministeran'ny Fitsarana, hoy ny fampitam-baovao.
SAO DIA MBA MISY MIZANA TSINDRIAN’ILA ?
Mendrika hizaka ny sazy sahaza azy ny mpandika lalàna, ny mpamono olona, ny mpitarika ny olom-pirenena hanohitra ny lalàna sy fahefam-panjakana. Na izany na tsy izany, misy lafin-javatra maro mila jerena, fa ny vy tsy mikitrana irery, hoy ny fitenintsika Malagasy. Tokony hanitatra sy hanao fanadihadiana lalina ny Minisiteran’ny tontolo iainana sy ny fampandrosoana lovain-jafy, ny avy amin’ny zandarimariam-pirenena, fa tsy ny resaka tavy sy tevy ala ihany ny famotehana mandeha. Misy toerana ao amin’iny faritra Alaotra iny mandeha ny famotehana ala, fitaomana hazo mila ho isan’andro. Raha olon-tsotra no mandalo mitondra hazo na fanaka efa voarafitra iray dia voasakana, fa ny aferana hazo antsoin’ny olona hoe “drodraka” amin’ny kamio sy “tracteur” mandeha ho azy, izay ahafaha-milaza fa misy ny kopaka isasahana eo amin’ny mpiasan’ny tontolo iainana, eny fa hatramin’ny Minisitera aza mety ho misy olona mpiray tendro matoa mandeha ho azy ny afera. Tsy hoe manome rariny ny olona fa eo no mety ahatsapan’ireo mahatsiaro ho madinika hoe: sao dia mba diso tafahoatra ny mizana tsindrian’ila ?
Toky R
Mbola tsy misy jiro any Sambava hatramin’ny omaly, mbola miandry ny fahatongavan’ny solika avy any Antalaha !
Na kandida tanaty fitondrana aza nisy tsy nahazo ilay taratasin-ketra «211 bis» ary maro,
Zazalahy kely iray vao 13 taona monja, mpianatry ny sekoly tsy miankina MDF Bealanana no hita faty
Lehilahy iray 36 taona, monina ao amin'ny Fokontany Mangabe no fantatra fa nanaparitaka
Nodimandry teo amin'ny faha-77 taonany ny Tale jeneralin'ny Apipa teo aloha Rateloson Philippe.
Tsy resaka mandeha intsony fa tena rakotra tera-tany Karana Indo-Pakistanais ao anatin’ny distrikan’Antananarivo Atsimondrano.
