Fanatrarana mpizahatany 1 tapitrisa hatramin’ny 2028

amin’ny taona 2028, hoy ny tale miandraikitra ny fampiofanana eo anivon’ny minisiteran’ny fizahantany sy asa tanana, Frank Rakotoson. Tafiditra ao anatin’ny fanatanterahana izany tanjona izany, hoy izy, ny fanomezana fiofanana samihafa tontosaina fikambanana na sehatra hafa miankina na tsy miankina amin’ny fanjakana. Miisa 11.500 eo no fanampina efitrano fandraisam-bahiny ilaina ahatongavana amin’izay tanjona izay. Antenaina, noho izany, fa ahita asa mifandraika amin’izany ireo izay nandalo fiofanana arak’asa mifanandrify amin’izany. Tsy maintsy misy ny fenitra sy lamina jerena mialoha ho an’ireo sehatra te hanome fiofanana mifandraika amin’izy ireny mialohan’ny hanomezana azy ireo fankatoavana hanatontosa ireny fampiofanana ireny. Ao anatin’izay fenitra sy fepetra takiana izay, ohatra, ny fotoana na «volume horaire» an’ilay fiofanana. Eo koa ny tondrozotra arahina amin’ilay fiofanana na «référentielle de formation». Ho an’ireo mpiofana ho lehilahy sy vehivavy mpikarakara efitrano fandraisam-bahiny na «Valée de chambre» sy «femme de chambre», ohatra, izao tena ilaina izay atao hoe «référentielle» izay. Ny minisiteran’ny fampananana asa no manome ny fankatoavana na «habilitation» mifandraika amin’iny. Na fiofanana ahazoana sertifika na mari-pahalalana, izany hoe «attestation» dia miainga amin’izay «référentielle» apetraka izay daholo. Ny mpampiofana koa tokony ho azo lazaina hoe ireo efa za-draharaha na avy amin’ireo sekoly ambony toy ny INTH sy ny tahaka izany dia manara-maso ny fampiofanana, noho izany, ny minisitera, hoy hatrany ny fanazavany.
J. Mirija