Tra-tehaky ny polisy ilay tompon'antoka, tovolahy 22 taona. Tany am-piandrasan'omby no nisy naka an-keriny sy noterena tovolahy iray hiara-handositra aminy tany Dango Faratsiho ny tovovavy iray 16 taona. Saika noentiny tany Antsirabe, avy eo any Antananarivo, saingy tsy nahita saran-dalana. Farany, noentiny teto Soavinandriana Itasy.Nitory ny rain'ilay zazavavy vokatr’izany.Raha tsiahivina kely ny tantara dia mpisakaiza izy 2 kely ireto nanomboka ny volana aogositra taona 2020, saingy tsy miaraka intsony ankehitriny."Tsy tia azy aho, izany no efa nisarahanay. Efatra no fitambaran'ny firaisana vitanay hatramin'izao, izany no nambaran’ilay zazavavy kely. Tsy nisy sitrapoko tompoko ireo firaisana nataony tamiko fa notereny aho...hoy hatrany izy nanamafy ny teniny. Nilaza kosa ilay tovolahy fa "tany Antsahavory, tany an-tsaha no nanaovany firaisana tamin’io zazavavy io voalohany, ary mbola virijiny izy tamin'izany ka izy no nisantatra azy. Tsy nanery azy izany aho fa izy no niteny hoe: andao hanao firaisana", hoy hatrany ilay tovolahy.Natolotra ny fampanoavana omaly moa ity farany.
Nangonin’i Pati
Anisan’ireo tazana tetsy Besarety tao anatin’ilay atrikasa nataon’ireo mpahay lalàna,
Voaheloka higadra 2 taona an-trano maizina miampy fandoavana onitra mitentina 300 tapitrisa Ar
Mitombo indray tato ho ato ireo olona manary zanaka eto amintsika. Zazavavy kely mbola menavava vao teraka
Olona miisa 11 be izao no nokaikerin’ny alika romotra tany amin’ny distrikan’i Soanierana Ivongo,
Hita tao anaty rano omaly maraina, tao amin’ny fokontany Morafeno-Ankeniheny,
Nanamarika iny herinandro iny ny fampahafantarana fa ilay teratany Israelianina Ron Weiss