Actualités

 Sekreteram-panjakana miadidy ny Zandarimaria (SEG) vaovao sy ny teo aloha, ny Jeneraly Ravalomanana Richard. Nantitranterin’ny SEG teo aloha fa tsy hijabaka na hanelingelina ny asan'ny SEG vaovao sy ny tompon'andraikitra rehetra eo anivon'ny Zandarimaria ny tenany fa sitrany dia sitrany raha hitohy ireo ezaka izay efa natao ho fanatsarana ny eo anivon'ny Zandarimariam-pirenena ka anisan'izany ny fiarovana ny andrim-panjakana, ny olona sy ny fananany, ary ny fiahiana ihany koa ireo kambotin'ny zandarimaria ao Arivonimamo. Sarotra fa azo atao tsara ny fandimbiasana ny SEG teo aloha hoy ny SEG vaovao. Asa tsara hotsarain'ny vahoaka, hoy izy, no hanaporofoana sy hanamafisana ny filàna sy ny fijoroan'ny Zandarimariam-pirenena eto amin'ny tany sy ny firenena. Namafisiny fa tohizana ireo paikady efa tsara tamin'ny fitantanana ny Zandarimaria ary ampifanindranan-dalana amin'ny fivoarana ireo izay mbola tokony harenina. Marihina fa ny Jeneraly Gellé Serge, ankoatr'ireo marim-pahaizana maro ananany, dia manana ny « Diplôme de l’Université de droit et de Science Criminelle” tao amin’ny “Université de Paris XI ème”, “Diplôme d’Etat-major de la Gendarmerie » tao amin’ny « Centre d’Enseignement Supérieur, France", « Diplôme de l’Ecole de Guerre » tao amin’ny « Ecole Supérieure Internationale de Guerre, Cameroun ». Ny taona 2019 izy no nahazo ny laharam-boninahitra « Général de division » ary efa nitana andraikitra ambony teto anivon’ny Zandarimariam-pirenena toy ny kaomandin'ny Sekolin'ny Zandarmaria nasionaly (EGNA) Ambositra, ny komandin'ny fari-piadidiana ny zandarimaria (CIRGN) Fianarantsoa sy Toamasina ary Lehiben'ny Etamazaoro teo anivon'ny Foibe fibaikoana ny Zandarimaria (CEM) tao amin’ny Toby Ratsimandrava izy no izao voatendry amin’izao andraikiny vaovao izao. Manana ny mariboninahi-pirenena "Commandeur de l’ordre national" izy ny taona 2019, raha ny fanampim-baovao voaray hatrany.

J. Mirija