Actualités

 Ny saram-pitaterana no ambony noho ny vidin'ilay entana. Nitombo avo 2 sy 3 heny ny saran'ny fitaterana an-dranomasina noho ny fihitsohan'ireo kaontenera any Eoropa sy Amerika vokatry ny covid-19. Amin'ny janoary eo io vao hiverina amin’ny laoniny raha ny tombatombana. Betsaka koa ireo mpibizina te hanan-karena tampoka manoloana ny tsy fahafehezana sy tsy fahaizana na “incompetence” an'ny fitondrana ka samy mampiakatra araka izay tiany. Ny atsy amin’ny Nosy Maorisy izao efa nidina ny simenitra tamin’ny fiandohan'ny Oktobra teo. Ny fidrikinantsika hanohy hanjifa hatrany dia tsy mampihena ny tinady ka vao maika hitohy ny fiakaran'io raha tsy miato aloha isika. Ny tena loza, haintsika ihany ny Gasy fa raha hiverina amin’ny laoniny ny “fret maritime” dia tsy hisy hampidina izany eo fa hangalatra aza atao, ka dieny tsy tara loatra dia aleo aloha hatsahatra ny fanjifana mba ho marin-toerana ilay vidiny. Ho avy izao ny fahavaratra dia hanahirana ny fampitaovana sy fitahirizana na “logistique” an'ny simenitra izay mora simba, ka raha tsy manjifa isika izao dia voatery hampidina ny vidiny izy ireo hampihena haingana ny tahiry, hoy ny fanehoan-kevitra. “Ekena fa manam-bola be ianareo fa tsinjovy ny sarangam-piarahamonina antoniny na ny “classe moyenne”, izay tena lasibatr'ity fidangan’ny vidim-piainana na “inflation” ity, atsaharo kely aloha ny fanorenana”, hoy hatrany ny fanehooan-kevitra.
Toky R