tia tanindrazana

Parution du Vendredi, 25 Novembre 2022

airtel

Actualités

Fifanakalozana ara-barotra Mikaon-doha ny Eoropeanina sy ireo firenena anatin’ny ESA

Nisokatra nanomboka omaly hatramin’ny 23 septambra izao ny fivoriana andiany faha-9 mikasika ny fifanarahana ara-barotra amin’ny Vondrona Eoropeanina sy ireo firenena ao anatin’ny ESA (Eastern and Southern Africa)

20-sept-2022

Sample post image

na aty Afrika atsinanana sy atsimo, izay miisa 5 ahitana an’I Madagasikara, Maurice, Seychelles, Comores, ary Zimbabwe. Entina hanatsarana ny Fifanaraham-piaraha-miasa ara-toekarena eo amin’ireo mpandray anjara na ilay antsoina hoe: EPA (Economic Partenership Agreement) ity fihaonana ity. Maneho fahavonana tanteraka hiady ny tombontsoan’ny firenena I Mardagasikara mandritra ny fivoriana izay tsy hifarana raha tsy amin’ny Zoma 23 septambra 2022 ho avy izao. Tanjona ny fanatsarana ny fahaiza-manao sy famaliana ny filàn’ny tsena Eoropeanina, ny fampiroboroboana ny fanondranana mankany Eoropa, ny fanamorana ireo dingana takiana eo amin’ny fanondranana sy ny fahazoana misitraka ny vokatra eoropeanina eo amin’ny tsena anatiny. Lohahevitra miisa 3 ao anatin’ireo 13 no hodinihana mandritra ity fihaonana eto Madagasikara ity, dia ny fanamorana ny fifanakalozana ara-barotra, ny momba ny fambolena ary ny fepetra ara-pahasalamana sy ny fahasalaman’ny zava-boahary.Nanokatra izany tamin’ny fomba ofisialy ny Minisitry ny Fampiroboroboana ny Indostria sy ny varotra Atoa Edgard Razafindravahy izay naneho fa zava-dehibe amin’ny lafiny toekarena izany. Ohatra iray noraisiny ny fanondranana vokatra lavanila mankany Eoropa mba hanehoana ny maha-zava-dehibe ny fifanaraham-piaraha-miasa toy izao, ka nilazan’ity Minisitra ity fa, «isan’ny seha-pihariana mitondra fampandrosoana ho an’ny Madagasikara ny lavanila ka ilaina ny manamafy ny fifanarahana ara-barotra momba io hitazonana ny laharana voalohany eo amin’ny fanondranana ; Ary mba tsy ho latsaky ny 250 dolara ny kilao any amin’ny firenena Eoropeanina”. Antenaina, hoy izy, fa hisy fiantraikany mahafa-po eo amin’ny sehatry ny fifanakalozana ara-barotra sy ara-toekarena ity fivoriana andiany faha-9 eto Madagasikara ity.
Toky R
 

Dans la même rubrique

Card image cap
Analamalotra, Toamasina II Tsy handefitra ireo milaza ho tompon’ny tany
25-nov-2022

Nametraka fitarainana any amin’ny Nonce Apostolika ny tompon’ny tany ao Analamalotra, Toamasina II, hoy ny fampitam-baovao voaray omaly.

Card image cap
Hivoaka anio ny tombana momba ny Jirama Fifanilihana no betsaka, ny delestazy tsy resy
25-nov-2022

Telo andro na efatra andro lasa no namaly hafatra farany ny Tale Jeneraly mpisolo toerana eo anivon’ny Jirama Atoa Rivo Radanielina, ary eto Antananarivo raha ny nambaran’ny Minisitry ny angovo sy ny akoran’afo omaly.

Card image cap
Fanenjehana an-dry Ketakandriana Nanaovan’ny Iraisam-pirenena tambabe ny fanjakana
25-nov-2022

Nitohy omaly teny amin’ny Polisy ekonomika ny fakana am-bavany an-dRtoa Ketakandriana Rafitoson Sekretra mpanatanteraky ny TI-IM (Transparency International-Initiative Madagascar)

Card image cap
Tetezana Amboay Ambositra 12 lahy tsy ampy taona nanolana vehivavy iray
25-nov-2022

Trangam-piarahamonina isan’ny nanamarika ity herinandro ity ny fanolanana nataona tovolahikely miisa 12 ny vehivavy iray voalaza fa efa ampy taona.

Card image cap
Hafari malagasy “Hisintaka amina toerana tsy misy mpanelingelina aloha izahay”
25-nov-2022

Taorian’ny resaka fanamboarana ny kianjan’Anosizato dia miroso hatrany amin’ny asa fitarihana ny fikambanana Hafari malagasy, hoy ny filohany, Jean Nirina Rafanomezantsoa.

Card image cap
Sehatra tsy miankina Entanina hamokatra izay angovo ilainy
25-nov-2022

Notanterahina tetsy amin’ny Carlton omaly ny andiany faha-6 amin’ny Fiaraha-midiniky ny Rafi-panjakana sy ny Sehatra tsy miankina, nokarakarain’ny EDBM.

Voir plus