niandraikitra ny famoahana ny lisitra ofisialin’ireo mpanao gazety hahazo ny karatra maha matihanina omaly, araka ny fampitam-baovao tao amin’ny pejin’io minisitera io. Nandritra izany fihaonana izany ihany koa no nitondran’ny Komisiona tatitra tamin-dRamatoa Minisitra ny dingana rehetra narahan’ny komisiona, nialohan’ny namoahana io lisitra ofisialy io. Natolotra ny Minisitra ihany koa ny tetiandro entina manatanteraka ny fifidiananana izay ho birao vaovao handrafitra ny holafitry ny mpanao gazety, ka hotanterahina ny 16 oktobra izao izany fifidiananana izany ary mpikambana miisa 93 no ho fidiana amin’izany miainga amin’ny fifidiananana lisitra (Scrutin de liste). Nilaza ho tsy mitsabaka amin’ny fifidiananana sy ny fanomanana samihafa ny Minisitera hoy Ramatoa Minisitra fa hanampy fotsiny ihany amin’ny lafiny teknika araka ny fangatahana ataon’ny komisiona amin’ny tohana ilain’izy ireo. Zava-dehibe ny hirosoana amin’ny fifidiananana ny biraon’ny holafitry ny mpanao gazety satria efa tamin’ny taona 2017 no tsy nanana izay birao izay intsony ny holafitra, hoy hatrany ny fampitam-baovao. Mpanao gazety 1509 no voalaza fa voasoratra ao anatin’ny lisitra ofisialy navoakan’ny vaomiera, taorian’ny fepotoana nomena ny mpanao gazety hanaovan’izy ireo fanamarihana tamin’ny lisitra vonjimaika nivoaka teo aloha. Asa aloha raha tena mizotra makany amin’ny hoe: fiadiana ny tombotsoa ho an’ny mpanao gazety tokoa na mandeha any amin’ny kajikajy politika. Ny tsy azo lavina, dia anjorom-bala hatrany ny haino aman-jery sy fampahalalam-baovao tsy mpiara-dia amin’ny fitondrana na amin’ny fisitrahana loharanom-baovao io, vitsy ny minisitera sy departemantam-panjakana miantso, toy izany ihany koa ny amin’ny mety ho tombotsoa toa ireny famoahana an-gazety tsenam-panjakana ireny.
Toky R
Nambaran’ny Filoham-pirenena Andry Rajoelina fa 250 tapitrisa dolara na 1200 miliara
Amin’ny volana may 2024 no hanomboka miandalana ny asa fananganana ireo foibem-pamokarana
Nampahafantarina ofisialy omaly teny Andraharo misy ny foiben’ny orinasa Telma ny MVola Fô,
Raim-pianakavina iray no fantatra fa maty voatsatok’antsy teo amin'ny lamosiny sy ny kibony tany Antanimalandy
Mbola tsy misy jiro any Sambava hatramin’ny omaly, mbola miandry ny fahatongavan’ny solika avy any Antalaha !
Na kandida tanaty fitondrana aza nisy tsy nahazo ilay taratasin-ketra «211 bis» ary maro,