tia tanindrazana

Parution du Lundi, 20 Septembre 2021

airtel

Actualités

Fifofoana ny ain’ny Filoha Misy idirana resa-bola tamin’ny fifidianana ?

Tsy arakaraka ilay fanamelohana sasany, izay toa maneho sy manondro ireo tsy mitovy hevitra ara-politika amin’ny mpitondra aloha ny ahiahy amin’ny mety ho ao ambadiky ny famonoana ny Filoha,

29-juil-2021

Sample post image

 na misy aza ny fanambarana ny faran’ny herinandro teo fa tokony hiala i Andry Rajoelina noho ny tsy fahaiza-mitantana sy fandikan-dalàna. Hatramin’izao, manamboninahitra ambony, olona avy ao amin’ny GSIS, izay hery manokana an’ny zandarimariam-pirenena ary tena tsara hofana sy natokana hiaro ireo manampahefana ambony na vahiny mandalo eto Madagasikara no voasambotra. Efa nafindra toerana tamin’ny alalan’ny « affectation disciplinaire » any Antsiranana ny Kaomandan’ny GSIS. Na i Paul Rafanoharana isan’ireo nosamborina aza dia olona efa niara-niasa tamin-dRajoelina ihany taloha, zandary Frantsay misotro ronono, i Sareraka dia tahaka ny hoe vary sy rano izy sy Andry Rajoelina. Misy siosion-dresaka tsy azo hamaivanina aza milaza aza, fa olona tena akaiky ihany no atidoha, ary misy resaka vola mifampiditra tamin’ny fifidianana Filoha ny taona 2018 ka noho io antony io no mampifanditra ny samy mpiara-miasaika mivantana na an-kolaka ao anaty Fitondrana, araka ny loharanom-baovao tsy ofisialy. Fa iza marina izany no tena mahita tombotsoa amin’ny hamonoana ny Filoha na amin’ny fampihorohoroana fa misy mikasa hamono izy sy ny manampahefana hafa araka ny nambaran’ny Sekreteram-panjakana miadidy ny zandarimariam-pirenena (SEG) Jeneraly Ravalomanana vao tsy ela akory izay ? Ny mpanohitra efa fantatra fa tsy manana fahefana ary voaara-maso isan’andro na mitoetra, na mandeha. Porofon’izany ny manjo an’i Marc Ravalomanana na an-tsaha na an-tanàna. Na eny Faravohitra toeram-ponenany na rehefa mandeha misy mitsongo dia foana hatrany am-piangonana. Mety tsy ho latsa-danja amin’izany ny hafa. Henjakenjana noho izany ny fanadihadiana.
FIFANDRAISANA AMIN’IREO MANODIDINA
Ahiana hatrany sy averimberina eto ny hoe : sao mba ny fifandirana anatiny na ny “règlement des comptes” eo amin’ny samy mpitondra na ny mpiray petsapetsa no terena ho lasa raharaham-panjakana ? Manao ahoana ny fifandraisan-dRajoelina amin’ireo tompon’andraikitra ambony toy ny mpikamban’ny governemanta sasany, ireo mpandraharaha manodidina azy, ireo mpitarika politika nifanao « deal » na fifanarahana taminy,… eny fa na ireo nilaza ho manameloka ny famonoana azy aza? Ahoana ihany koa ny momba ireo mpiara-mikatroka ao anaty Fanjakana toa misy tsy taitra mihitsy ?
Toky R
 

Dans la même rubrique

Card image cap
Fonjan’Imerintsiatosika Manara-penitra lavitra noho ny oniversitem-panjakana
20-sept-2021

Sao dia tokony ampifanakalozana ny « cité universitaire » sy ny fonja manara-penitra, hoy ny fanontanian’ny mpampianatra mpikaroka iray nahita an-tsary ny ivelany sy atin’ny fonja

Card image cap
Ahiahina trafika teny Ivato Misy resaka manjavozavo ihany
20-sept-2021

Ritsoka avy any amina loharanom-baovao iray no ren’ny tompon’andraikitra teny amin’ny seranam-iaramanidina iraisam-pirenena Ivato ka nahatonga azy ireo naka fepetra hentitra hisava ireo mpandeha rehetra

Card image cap
Tsy nahaloa vola indray ny fanjakana Nalain’ny tompony ilay fiaramanidina CASA
17-sept-2021

Navoakan’ny fampahalalam-baovao Frantsay Le Monde fa nalain’ny orinasa Frantsay Sofema ny fiaramanidina Casa CN-235 novidian’ny Filoha Andry Rajoelina ny 2019.

Card image cap
Biby hafahafa any Vangaindrano Olona no lohany, kisoa ny vatany
17-sept-2021

Nisehoana tranga hafahafa tany amin’ny distrikan’i Vangaindrano omaly. Kisoa iray no fantatra fa niteraka olona ka tahaka ny olona mihitsy ny lohany.

Card image cap
Tra-doza tany amin’ny Oniversiten’Antsiranana Tsy tana ny ain’ilay tovovavy vao 18 taona
17-sept-2021

Nodimandry ilay tovovavy vao 18 taona monja antsoina hoe Elisah, izay nilatsahan' ny solaitrabe vita tamin’ny simenitra ny marainan'ny alatsinainy 13 septambra lasa teo tao amin’ny Oniversiten’Antsiranana.

Card image cap
Abel Anicet Hilalao ao amin’ny Levski Sofia
17-sept-2021

Araka vaovao mbola tsy ofisialy omaly, dia hijanona ao amin’ny fifaninanam-pirenena Divizionina voalohany (D1) any Bulgarie ny kapitenin’ny Barean’i Madagasikara Abel Anicet Andrianantenaina.

Voir plus