Actualités

Nikarakara ny fihaonana ny Africa Rice notarihin’i Dr Mujawamariya Gaudiose, niaraka amin’ireo fikambanam-behivavy tantsaha mpamokatra vary. Tonga nikaon-doha ireo mpiantsehatra avy amin’ny vary sy ireo mpamatsy vola nahitana ny GIZ, ny JICA, ny mpiaro ny zon’ny mpanjifa ary ireo Ministera maro isan-tsokajiny. Nizara ny zava-misy ifotony iainan’izy ireo any amin’ny faritra misy azy avy ireo fikambanam-behivavy avy amin’ny faritra Vakinankaratra , Alaotra Mangoro, Bas Mangoky ary Menabe. Olana iraisan’ireo fikambanam-behivavy tantsaha ny olana ara-tany, ny ara-bola ary ny ara-pitaovana. Eo ny tsy fahampian’ny tany volena ka maniry hanitatra ny tanimbary sy ny tanimboly izy ireo. Eo ihany koa ny tsy fahampian’ny fitaovana enti-mamokatra ary ny tsy fahitana tsenam-barotra. Soso-kevitr’ireo vehivavy tantsaha mpamokatra ny hiaraka hiasa amin’ny PAM sy ireo vondrona mpanampy ny traboina mba hanjifa ny vary evoka ; ny hivarotra vary nohatsaraina amin’ny sekoly izay manao ‘cantine scolaire » satria vary be otrikaina, be vitamine sady mahasalama ary mateza kibo ny vary evoka. Araka ny nambaran-dRazafindravola Isabelle Sekreteran’ny Fikambanam-behivavy any Bas- Mangoky dia vinan’izy ireo ny handresy ny tsy fanjarian-tsakafo, ny hampitombo ny vola miditra ao an-tokantrano , ny hahavita tena ara-tsakafo, ny hampiroboroboana ny fikambanan’izy ireo isaky ny faritra, ny hanondrana vary evoka any ivelan’ny Nosy ary ny handray anjara amin’ny fampandrosoana ny toekarem-pirenena. Nozarain’ny Profesora Jalloh Abdulai Talen’ny fikarohana eo anivon’ny AfricaRice tamin’ireo mpikatroka ny tombotsoa ara-toe-karena azo avy amin’ny vary nohatsaraina na ny vary evoka, eo ny fanatsarana ny voka-bary, eo ny fampitomboana ny fiharian’ny tantsaha mpamokatra raha eo koa ny fiarovana ny tontolo iainana.
Pati