tia tanindrazana

Parution du Mercredi, 28 Septembre 2022

airtel

Actualités

Fikarohana ilay satroboninahitra Andrasana indray izay ho vokatry ny fiaraha-miasa amin'ny Interpol.

Isan'ireo andraikitry ny borigady miady amin'ny piraty na BAP ny fikarohana ireo harem-bakoka, hoy ny fampitam-baovao voaray omaly.

10-août-2022

Sample post image

Nanamarika ny fankalazana ny faha 10 taonan'ity borigady ity ny fanaovan-tsonia fiaraha-miasa amin'ny Interpol izay mandray anjara amin'ny fanenjehana ireo mpangalatra na mpanao hosoka eo amin'ny sehatra iraisampirenena. Isan'ireo hiaraha-miasa amin'io sehatra io ny fitadiavana ilay satroboninahitry ny mpanjaka Ranavalona III, very teny amin'ny lapan'Andafiavaratra. Misy ny rindran-tserasera iraisampirenena napetraka ahafahan'ireo firenena hafa mandray fepetra misambotra na mangeja ireny harem-bakoka ireny raha hita any amin'izy ireo, hoy ny fanamarihan'ny minisitry ny kolontsaina sy ny serasera, Lalatiana Andriatongarivo. Nanao sonia izany fiaraha-miasa izany ny solontenan’ny Interpol eto Madagasikara, ny kaomisera Rabialahy Jean Rostand, sy ny mpandrindra nasionalin'ny BAP, ny kaomisera Rarivoanantsoa Eddy, hoy hatrany ny fampitam-baovao voaray omaly. Tsiahivina fa efa tamin’ny desambra 2011, izany hoe andron’ny tetezamita, moa no very ity satroboninahitra ity ary tsy izy io akory no tafaverina ny novambra 2020 fa ny tatarom-piandrianany ihany. Mampametra-panontaniana ankehitriny hoe inona no antony mampitarazoka, mba tsy hilazana hoe antony mbola tsy maha tafaverina ity satroboninahitra ity ihany hatramin’izao? Dia tena sarotra be ve no nahita fiaraha-miasa iraisampirenena tahaka ity omaly ity? Mbola andrasana rahateo indray koa moa izay ho vokany.
J. Mirija 

Dans la même rubrique

Card image cap
Fitantanan-draharaham-panjakana Volam-panjakana 51 miliara mahery voahodinkodina
28-sept-2022

Tao anatin’ny valo volana monja, nahatratra 51 225 212 736Ar ny fanodinkodinana volam-panjakana voatsiriky ny IGE (Inspection Générale de l'État) ny janoary-aogositra 2022,

Card image cap
Raikely nanolana ny zana-bady Mbola tsy hita popoka hatreto
28-sept-2022

Lehilahy iray voalaza fa Raikely no nanolana sy namono zazavavy kely vao 3 taona monja tao amin'ny Fokontany Fiadanakely Mahitsy, ny Sabotsy 24 Septambra lasa teo.

Card image cap
Tambin-karama handehanana misotro ronono Milaza ny Fanjakana fa voaloa tsy tapaka…
28-sept-2022

Namoaka fanambarana momba ny tambin-karama handehanana misotro ronono ny Minisiteran’ny toekarena sy ny fitantanam-bola omaly 27 septambra 2022.

Card image cap
Minisitra Andry Ramaroson « Afaka hanavotra an’i Madagasikara i Tsimiroro »
23-sept-2022

Vesatra goavana ho an’ny firenena Malagasy ny fanafarana solika avy any ivelany. Voatery miankina amin’izany avokoa mantsy ny fahafahana mampandeha ny raharaham-pirenena eto an-toerana toy ny fiakaran’ny vidin-tsolika

Card image cap
Ady amin’ny piraty Olona 28 no natolotra ny fitsarana
23-sept-2022

Mitohy ny fitetezam-paritra hataon'ny ekipan'ny BAP na ny Borigady miady amin’ny piraty mikasika ny ady amin'ny hosoka ara-javakanto eto amintsika.

Card image cap
Fanehoan-kevitra Raikitra ny fisamborana mpanao facebook
23-sept-2022

Niely ny vaovao omaly takariva, fa voatazona eny amin’ny Sampana momba ny heloka an’habaka na Cybercriminalité eny amin’ny Toby Ratsimandrava i Stan'ley Ramarivelo,

Voir plus