no namoy ny ainy rehefa noleran'ny miaramila kilasy faharoa tamin'ny antsy maranitra, ny faran’ny herinandro teo Ambohitrantenaina Imerintsiatosika. Nisy famadihana tao an-toerana ary tompon-danonana ilay zandary. Akaikin'ny tobin'ny Rezimantan'ny tafondro mavesatra (RAL) moa no nisy ny fety ka tonga "nanala" tao ny miaramila efa-dahy. Voalaza fa nisarizoro tamina tovovavy roa tompom-pamadihana izy ireo rehefa mamo. Rehefa tsy nanaiky izy roavavy dia namoahan'ny iray antsy, ka tamin'izay no nikiaka niantso vonjeo ireo vehivavy. Ren'ilay zandary izany ka niditra an-tsehatra haka ny antsin'ilay raikalahy, kinanjo, izy indray no voatsatok'antsy, in-dray mandeha teo amin'ny kibony, ary in-2 teo amin'ny tehezany havia. Raikitra ny rombo ary voasambotra ilay niletra tamin'ny antsy sy ny namany iray. Tafaporitsaka kosa ny roa. Nentina tany amin'ny HJRA ilay "adjudant", saingy tsy tana ny ainy. Miasa ao amin'ny BPR Toamasina izy ary hanao famadihan-drazana no nahatongavany tany Ambohitrantenaina. Efa voatazona any amin'ny zandarimaria ireo miaramila voasambotra hatao famotorana, hoy ny fampitam-baovao.
Nangonin’i Toky R
Anisan’ireo tazana tetsy Besarety tao anatin’ilay atrikasa nataon’ireo mpahay lalàna,
Voaheloka higadra 2 taona an-trano maizina miampy fandoavana onitra mitentina 300 tapitrisa Ar
Mitombo indray tato ho ato ireo olona manary zanaka eto amintsika. Zazavavy kely mbola menavava vao teraka
Olona miisa 11 be izao no nokaikerin’ny alika romotra tany amin’ny distrikan’i Soanierana Ivongo,
Hita tao anaty rano omaly maraina, tao amin’ny fokontany Morafeno-Ankeniheny,
Nanamarika iny herinandro iny ny fampahafantarana fa ilay teratany Israelianina Ron Weiss