airtel

Actualités

25-juin-2024

Jirama

Ananan’ireo kaompanian-tsolika 1 444 miliara Ar

Sample post image

Misavovona hatrany amin’ny 1 444 miliara ariary ny trosan’ny mpamatsy solika amin’ny Jirama ho an’ny taona 2023.

25-juin-2024

Izany toe-javatra izany no nanosika ny fanjakana hanohy hanome fanampiana ara-bola ho an'ny orinasa nasionaly misahana ny rano sy ny herinaratra, raha nanazava ny fanintsiana ny tetibolam-panjakana na ny LFR 2024, ary nohamafisina tamin’ny fampahantarana ny fahazoana ilay 660 tapitrisa dolara avy amin'ny Tahirim-bola Iraisam-pirenena amin’ny alalan’ny FEC sy ny FRD. « Raha ny tokony ho izy dia ny Jirama no mandoa ny trosany. Saingy fantatsika ny toe-bola misy ao amin'ity orinasa ity, izay tsy ahafahany mandoa irery ny trosany », raha ny fanazavan’ny Minisitry ny toekarena sy ny vola. Mahatratra 793 miliara ariary no voatokana ao anatin'ny LFR hanefana ny trosan’ny Jirama. Ny trosa tao anatin’ny fifanarahana efa lasa izay tsy mbola nekena anefa io, fa mbola tsy tafiditra ny fifanarahana. Sahirana ary tsy mety manana fahamarinan-toerana ara-bola ny Jirama, ary tsy afaka manefa irery ny trosany, ka tsy maintsy miantso tosika avy amin’ny Fanjakana. Ny vola aloan'ny mpanjifa vidin’ny herinaratra dia ambany kokoa noho ny fandaniana ataony amin'ny asa. Ireo fandaniana amin'ny solika an'ny Jirama mihitsy no mavesatra amin'ny kitapom-bolany, raha ny firesaky ny Minisitry ny angovo sy ny akoran’afo Atoa Olivier Jean-Baptiste. Any amin’ny fiovana makany amin’ny angovo azo havaozina, mba hampihenana ny fampiasana solika amin'ny famokarana herinaratra eto Madagasikara hatrany no isan’ny làlan-tsaina nambaran’io Minisitra io fa vahaolana. Mampitodika ny sain’ny olona anefa ny mpitondra, fa tsy ny Jirama irery no orinasa mpamokatra herinaratra eto amin'izao tontolo izao miatrika olana ara-bola. Ao amin'ny tatitra vaovao nanadihady ny momba ireo orinasa mpamokatra herinaratra maherin'ny 180 ao amin'ny firenena mihoatra ny 90, dia nitatitra ny Banky Iraisam-pirenena fa ny 40% ihany amin'ireo orinasa mpamokatra herinaratra ao amin'ny firenena an-dalam-pandrosoana ihany no mahomby ara-bola, hoy ny fanazavana. Raha lazaina amin'ny fomba hafa, ny 60% amin'ireo orinasa mpamokatra herinaratra dia tsy afaka manarona ny fandaniany sy ny fanompoana ny trosa, raha ny voalazan’io tatitry ny Banky Iraisam-pirenena. Na izany aza, efa zava-doza ny eto Madagasikara, izay vokatry ny famotehana maro lafy ny tsy fahaiza-mitantana. Nahoana isika no nanana ambim-bava sy tombony manodidina ny 60 hatramin’ny 100 miliara Ar talohan’ny 2009 kanefa izao bokan-trosa an’arivony miliara ?

Henjana ny fepetran’ny FMI eo anatrehan’ny tsy fahombiazana ka tsy maintsy handefa tatitra isam-bolana aminy ny jirama, tsy maintsy avoaka ampahibemaso ny fifanarahana rehetra nosoniavina, tsy maintsy alefa amin’ny FMI mialohan’ny novambra 2024 ny drafi-panarenana ny Jirama.
Toky R

 

Dans la même rubrique

19-juil-2024

Tontosa omaly tetsy Anosy ny fivoriamben’ny mpitsabo nentim-paharazana eto Madagasikara na ANTM.

Card image cap
19-juil-2024

Tsy misy manana teti-bola manokana hiatrehana ny fialan-tsasatra lehibe ny ankamaroan’ny

Card image cap
19-juil-2024

Andeha ho ravana ny tsy fitoviana. Eo am-pelantanantsika mandrakariva ny fiovana” hoy Ramatoa Mbavhi

Card image cap
19-juil-2024

Havadika ho gaz bio-methane sy zezika bio-composte ny fakon’Andralanitra manomboka izao.

Card image cap
18-juil-2024

Mila manao politika isika rehetra izao, hoy ny filohan’ny vondrona politika

Card image cap
18-juil-2024

Raha voalaza fa nahazo praiminisitra vaovao isika, hoy ny antoko politika FLN na Front de libération nationale,

Card image cap