Mitohy ny fikaikaikan’ny mpanjifa manoloana ny fidangan’ireo faktiora ao anatin’ny efa fitsitsiana ny herinaratra ampiasain’ny isan-tokantrano nefa mbola ampian’ny delestazy trotraka ihany koa. Tantara mitohy efa nandeha foana, hoy ny mpanao hatsikana, Gothlieb, nibabababa mihitsy fa mafy ity! Gaga avo 1000 heny mihitsy teo am-pijerena ny sarany asaina aloha ato anaty faktiora. Efa 3 na 4 volana izay tsy manao “auto relevé” na fanisana intsony . Nitovitovy teo ihany ny tarehimarika. Misy mpiasan’ny JIRAMA tonga ihany dia mijerijery sy manao “relevé” teo ihany izy . Fa ity faktiora volana aogositra ity dia avo 4 heny amin’ny nahazatra teo. Ny ao amin’ny tranon'i mamanay io. Mpatory aloha be. Fampiasana jiro tsy miova, delestazy eo ihany. Tsy maintsy ho any indray izany hanontany an'ity? Jiro tapaka misasakalina. Ato amiko indray ity. Na mizatra mitadidy ny toeran'ny fandrehetana sy famonoana jiro aza dia tratra foana. Ny anay koa misy mivadika moa. Maty alina be ilay jiro. Matory ny tena. Mifoha maraina fa mirehitra daholo kay. Tsy hay hoe tamin’ny firy no niverina? Zava-misy ka tantaraina! Mampitombo faktiora foana! Fa ilay vola aloha na izany aza mahagaga be, hoy hatrany i Gothlieb.
J. Mirija
Mbola tsy misy jiro any Sambava hatramin’ny omaly, mbola miandry ny fahatongavan’ny solika avy any Antalaha !
Na kandida tanaty fitondrana aza nisy tsy nahazo ilay taratasin-ketra «211 bis» ary maro,
Zazalahy kely iray vao 13 taona monja, mpianatry ny sekoly tsy miankina MDF Bealanana no hita faty
Lehilahy iray 36 taona, monina ao amin'ny Fokontany Mangabe no fantatra fa nanaparitaka
Nodimandry teo amin'ny faha-77 taonany ny Tale jeneralin'ny Apipa teo aloha Rateloson Philippe.
Tsy resaka mandeha intsony fa tena rakotra tera-tany Karana Indo-Pakistanais ao anatin’ny distrikan’Antananarivo Atsimondrano.