Actualités

 Tsy vitsy ireo tsy nahavita na inona na inona mihitsy antony hanaovan’izy ireny ezaka manokana manomboka amin’ity taona ity. Ho an’ny kaominina Talatamaty manokana raha araka ny fanazavan’ny sekretera jeneraliny Rajaobelina Holisoa omaly dia hiompana amin’ny asa fanamboarana foto-drafitrasa izany. Efa mandeha ohatra amin’izany ny fanamboarana ireo fantsona fivoaran’ny rano maloto amin’ny tsenan’ny kaominina ho fitandroana ny fahadiovana sy ny fahasalaman’ny mponina. Miroso tahaka izany ihany koa ny asa fanamboarana ny paompin-drano eny anivon’ny fokontany hanalana fahasahiranana ny isan-tokantrano amin’ny filaharan-drano. Tsy latsa-danja amin’izany ny fametrahana herinaratra eny anivon’ny Fokontany hahafahana miady amin’ny tsy fandriampahalemana. Mikasika ny fampidiran-ketra manokana moa dia fantatra fa efa mahatratra hatrany amin’ny 75 % izany na dia mbola maro amin’ireo mponina aza no sahirana.

Pati