Actualités

 stratejika Atoa Fidiniavo Ravokatra, nandritra ny fidinany tany Ambatondrazaka ny faran’ny herinandro teo. Nisy rahateo ny fivoriana niarahan’ireo voakasika. Nanambara ny eritreriny hamoaka didim-pitondrana mamaritra ny fitrandrahana ity Minisitra ity. Miandry ny fitsanganan’ny vondrona na fikambanan’ny mpitrandraka ahafaha-miroso amin’ny dingana manaraka. Efa nisy rahateo ny fandavahana tao amin’ny kariera, izay iriain’ny olona ny hitohizan’ny fitrandrahana. Hanaovana tatitra ao anatin’ny filankevitry ny minisitra ny dingana mialohan’ny didim-pitondrana mamaritra horaisina. Nisy ny fihaonana teo amin’ny governoran’Alaotra Mangoro sy io minisitra io, ary isan’ny noresahina ny hametrahana bokin’andraikitra. Raha nilaza ity Minisitra ity, fa ny fitantanana amin’ny fomba mahomby ny fitrandrahana no ahafaha-mampandroso ny firenena, dia naneho kosa ireo mpitrandraka fa vonona hanaja ny dingana sy ny fepetra rehetra hapetraka: tamberim-bidy na “ristournes”, fanajana ny tontolo iainana, zon’olombelona toy ny tsy fampiasana ankizy,… Afaka mifampiresaka sy mifandamina ihany koa nahoana no niditra tamin’ny vono olona sy fandatsahana aina vao tonga amin’izao ?

 Toky R