Actualités

Raha araka ny vaovao azo momba azy mantsy dia efa nahatratra 10 hatreto ireo vehivavy naolany ka ny 4 tamin’ireo dia namoy ny ainy avokoa. Raha araka ny vaovao avy amin’ny olon-tsotra ihany dia misy efa mahatratra 90 taona ireo olona naolany ireo ka ho an’ilay farany izay namoy ny ainy tamin’ny faran’ny herinandro teo ohatra dia efa 71 taona. Tao Miadana Miarinarivo II ity renim-pianakaviana ity no niharan’io fanolanana io. Hatao andrimaso sy famotorana ilay nahavanon-doza hatramin’ny omaly ary fantatra fa hiakatra anio Talata na rahampitso Alarobia.

Aretin-tsaina moa na olona niaina tao herisetra fony fahakely raha araka ny fanazavan’ny manam-pahaizana manokana momba ny saina no mahavita mamoa-doza tahaka izao ankoatra ireo mandray zava-mahadomelina dia tsy mahatana filany rehefa mahita ireo karazana fihetsika mamoafady amin’ny vata fahitalavitra ka mampihatra izany amin’ireo sendra azy.
Pati