sokafy ho an’ireo mpandraharaha mahafeno fepetra ny fanondranana”, hoy ny Minisitry ny jono sy ny toekarena manga Atoa Mahatante Paubert teo anatrehan’ilay resaka mandeha momba ny hoe: tsindry sy fanosehana azy hametra-pialana. Tao anatin’ny tapa-bolana no nisian’io siosio momba ny tsindry io manery ity minisitra ity hametra-pialana. Ireo mafia ahitana orinasa sinoa manodidina ny 6 mpanao ampihimamba amin’ny sehatry ny jono sy ny harena anaty rano no voatonontonona ho ao ambadik’izany. Voalaza fa antony ny famoahana ny lisitr’ireo mpandraharaha afaka manondrana drakaka, araka nydidim-pitondrana mitondra ny laharana 193/2021/MPEB/Mi tamin’ny 15 desambra, izay mitsinjara ny fahazoan-dàlana hanondrana drakaka any ivelany amin’ny taona 2022 ho avy izao. Orinasa 32 voafidy fa hanatanteraka ity asa ity rehefa nojerena ny antontan-taratasin’izy ireo, ary nambaran’ny minisitra fa efa nankatoavin’ny Filoha sy ny Praiminisitra. Voalazan’ny loharanom-baovao iray moa taorian’io fa misy mikendry ny hialany mihitsy kanefa, taorian’io dia efa niantso azy ihany koa ny Praiminisitra, naharitra adin’ny iray teo ny resaka eo. Nivoitra ny hoe: “atrehina ny olana fa tsy andosirana na iza faly na iza tsy faly”. Midika io, fa tsy nahomby ny tetikadin’ireo mafia hanilika tompon’andraikitra ara-panjakana heveriny manelingelina ny aferany.
Toky R
Anisan’ireo tazana tetsy Besarety tao anatin’ilay atrikasa nataon’ireo mpahay lalàna,
Voaheloka higadra 2 taona an-trano maizina miampy fandoavana onitra mitentina 300 tapitrisa Ar
Mitombo indray tato ho ato ireo olona manary zanaka eto amintsika. Zazavavy kely mbola menavava vao teraka
Olona miisa 11 be izao no nokaikerin’ny alika romotra tany amin’ny distrikan’i Soanierana Ivongo,
Hita tao anaty rano omaly maraina, tao amin’ny fokontany Morafeno-Ankeniheny,
Nanamarika iny herinandro iny ny fampahafantarana fa ilay teratany Israelianina Ron Weiss