airtel

Actualités

19-juin-2024

Morontsirak’i Madagasikara

Manomboka indray ny fahafatesana trozona lehibe…

Sample post image

Trozona lehibe manodidina ny 9 metatra tombanana ho milanja 1 taonina mahery

19-juin-2024

no hita faty eto amin'ny morontsirak’i Kimony kaominina Bemanonga distrikan’i Morondava, omaly 18 jona 2023 tokony ho tamin’ny 3 ora maraina, raha ny vaovao avy any an-toerana. Ny mpanjono handeha hiandriaka maraina no nanaitra ny sefo fokontany, ka ity farany no nampilaza ny tompon'andraikitry ny Jono. Nidina teny an-toerana avy hatrany ireo teknisianina sady nanisy fanafody mba tsy ahafahan'ny mponina mikitika izany raha hatao ny fomba rehetra ahafahana handevina izany miaraky amin'ireo mponina eny an-toerana. Nanentana ny mponina hatrany ny Tale ny Jono fa tsy azo hanina ity trozona ity, hoy ny fampitam-baovao. Tsy vaovao ny fisiana trozona dobo sy maty tahaka izao hita aty amin’ny fari-dranomasintsika, ary manomboka volana jona tahaka izao hatrany amin’ny oktobra na novambra no matetika no ahitana izany. Tsy tena fantatra mazava ny antony mahafaty azy ireny, fa raha ny fikarohana tsotsotra nijerena fanazavana ara-tsiantifika, dia anisan’ny mety ho antony ny fandotoana ara-plastika sy ny akora simika any an-dranomasina. Mety ho lanin'ny trozona na miteraka aretina sy fivontosana aminy, ka miteraka ny fahafatesany. Eo ihany koa ny fiovan'ny toetr'andro sy ny tontolo iainana toy fiovan'ny maripanan'ny rano, ny fiovan’ny fikorianan'ny ranomasina na ny « courant océanique », ary ny fihenan’ny trondro noho ny fiovan'ny toetr'andro, izay mety hisy fiantraikany amin'ny loharanon-tsakafo ho an'ny trozona, manalemy azy ary mampihena ny fahafahany miaina.
Toky R

 

Dans la même rubrique

19-juil-2024

Tontosa omaly tetsy Anosy ny fivoriamben’ny mpitsabo nentim-paharazana eto Madagasikara na ANTM.

Card image cap
19-juil-2024

Tsy misy manana teti-bola manokana hiatrehana ny fialan-tsasatra lehibe ny ankamaroan’ny

Card image cap
19-juil-2024

Andeha ho ravana ny tsy fitoviana. Eo am-pelantanantsika mandrakariva ny fiovana” hoy Ramatoa Mbavhi

Card image cap
19-juil-2024

Havadika ho gaz bio-methane sy zezika bio-composte ny fakon’Andralanitra manomboka izao.

Card image cap
18-juil-2024

Mila manao politika isika rehetra izao, hoy ny filohan’ny vondrona politika

Card image cap
18-juil-2024

Raha voalaza fa nahazo praiminisitra vaovao isika, hoy ny antoko politika FLN na Front de libération nationale,

Card image cap