Mbitanarivo andriantsihorisoa, Filoha vaovaon’ny SMM mandritra ny 3 taona ho avy. Teboka telo no nasongadin’ny Filoha vaovao tamin’ny lahateny nataony: Ny mahasarotiny ny mpitsara rehetra amin’ny fanajàna ny Fanjakàna tan-dalàna sy indrindra indrindra ny fanajàna ny fahaleovan-tenan’ny Fitsarana ka ahafahany mampanjaka tokoa ny marina amin’ny didy avoakany; mampahatsiahy ny Fahefana mpanatanteraka fa efa nisy ny zavatra tinapaka nanomboka tamin'ny taona 2012 (Assises des magistrats) nohamafisina tamin'ny taona 2017 (sata mifehy ny mpitsara) ka tokony hijereny akaiky izany, ary ny hanaovan’ny sendika hetsika manokana sy mitohy hiadiana amin’ny kolikoly sy hamerenana indray ny fitokisan’ny vahoaka. “Mampitandrina ny governemanta sy ny fahefana mpanatanteraka tsy hitsabaka amin’ny raharaham-pitsarana, ka hanaja ny fisaraham-pahefana. Aoka re hitsahatra ny fitsabatsahabana na raharaha manao ahoana na ahoana. Avelao hanao ny asany ny fitsarana,.. Aza atao rano dikain’ny zinga ny zavatra efa nifanarahana. Tsy hanaiky intsony ny famezivezena, fa aoka hotanterahina ny zavatra efa tapaka, izay sokajiana ho fitohizan’ny raharaham-panjakana”, hoy io filohan’ny SMM vaovao io nanamafy. Farany dia nanao antso avo amin’ireo tsara sitrapo rehetra ny Filoha vaovaon’ny SMM hifanome tanana mba ho tombony ho an’ny vahoaka malagasy satria amin’ny anarany tokoa no hamoahana didy.
Toky R
Anisan’ireo tazana tetsy Besarety tao anatin’ilay atrikasa nataon’ireo mpahay lalàna,
Voaheloka higadra 2 taona an-trano maizina miampy fandoavana onitra mitentina 300 tapitrisa Ar
Mitombo indray tato ho ato ireo olona manary zanaka eto amintsika. Zazavavy kely mbola menavava vao teraka
Olona miisa 11 be izao no nokaikerin’ny alika romotra tany amin’ny distrikan’i Soanierana Ivongo,
Hita tao anaty rano omaly maraina, tao amin’ny fokontany Morafeno-Ankeniheny,
Nanamarika iny herinandro iny ny fampahafantarana fa ilay teratany Israelianina Ron Weiss