tia tanindrazana

Parution du Vendredi, 20 Mai 2022

airtel

Actualités

Notorian’ny Depiote Rossy ? Ampanantsoin’ny Cybercriminalité i Jean Nirina anio

Nahazo taratasy fampiantsoina eny anivon'ny « service de lutte contre la cybercriminalité » etsy amin'ny Toby Ratsimandrava indray ny filohan'ny Hafari Malagasy Atoa Rafanomezantsoa Jean Nirina rahampitso Alarobia 29 desambra 2021.

29-déc-2021

Sample post image

 Ambaran'ny taratasy fampiantsoina fa "noho ny resaka ahiahiana makasika raharaha Facebook" no antony nampanatsoina azy, ka hisy atao famotorana mikasika izany. Raha ny fampitam-baovao izay navoakan'ny pejy mitondra ny anaran’Atoa Rafanomezantsoa Jean Nirina dia depiote iray no nitory azy amin'izao raharaha izao. « Marihana etoana anefa fa Andriamatoa Rafanomezantsoa Jean Nirina dia tsy mikirakira Facebook ary na ny « téléphone » hapiasainy aza dia « téléphone foza », ary ny compte dia izahay serasera no mitondra azy, tsy mbola namaly na dia « commentaires » iray aza izahay, hita hoe halako bika tsy tiako tarehy ny fitoriana », hoy ny fanehoan-kevitra tao amin’io pejy mitondra ny anarany io. Vonona ny hamaly ny fiantsona azy kosa anefa Andriamatoa Rafanomezantsoa Jean Nirina raha ny fampitam-baovao navoakany hatrany. Tsy fantatra mazava moa hoe : iza no depiote no nitory azy ? Raha zohiana amin’ny tantara sy ny lonilony kosa, dia ny depiote voafidy tao amin’ny Boriborintany faha-4 Rossy na Rahasimanana Paul Bert no tsikaritra ho tsy mifankahazo aminy. Nandritra ny fihaonana tamin’ny governemanta farany teo, ohatra, dia isan’ny fanamarihana sy antso avo nataon’ity depiote ity ny handraisana andraikaikitra amin’ireo karazana dokam-pitsaboana raha ambangovangony, ka isan’ny notsipihiny manokana ny hoe: “indrindra fa ity sektambra sektambra anareo ity”. Efa hatry ny ela ihany koa ny fifanakianana an-tambajotran-tserasera teo amin’ny roa tonta. Andrasana anefa izay tena marina momba ity raharaha ity hoe: olon-kafa sa io depiote io tokoa no nitory, fa ny tsy azo lavina dia misy ny lonilony eo amin’ny roa tonta, ary efa nifanome fantsy hatry ny ela, araka ny tenin’ny tanora.
Toky R

 

Dans la même rubrique

Card image cap
Tahotry ny hetraketraka Niditra amin’ny « service minimum » ny QMM
20-mai-2022

Nanapa-kevitra hampihena ny asany tsy hanao afatsy ireo asa tsy maintsy hatao sy tsy azo hialana na « service minimum» ao amin’ny QMM Taolagnaro ny orinasa Rio Tinto.

Card image cap
La Haute ville sy Andavamamba Amidy 80.000 Ar ny iray grama amin’ny heroine
20-mai-2022

Lehilahy miisa 04 no voasambotry ny Sampan-draharahan’ny Polisim-pirenena misahana ny ady amin’ny zava-mahadomelina teny La Haute ville sy Andavamamba afak’omaly alarobia 18 mey noho ny fivarotana heroine fantatry

Card image cap
Soanierana Ivongo Tratra ilay rangahy nitondra vola 13.000.000 Ar nandositra
20-mai-2022

Ela ny ela fa tratran’ny mpitandro ny filaminana ihany ilay lehilahy iray nampitondraina vola mitentina 12.700.000 Ar mba omena olona nefa nentiny nitsoaka.

Card image cap
Tsararano Mahajanga Tovovavy 14 taona maty novonoin’ny sakaizany
19-mai-2022

Tovovavy kely iray vao 14 taona monja no maty novonoin’ny sakaizany ny alin’ny alahady 15 mey hifoha alatsinainy 16 mey lasa teo.

Voir plus