Efa nahoraka hatramin’ny ela ny tsy fifandraisan’ny tadin-dokangan’ny minisitry ny angovo sy ny akoran’afo ankehitriny sy ny minisitry ny serasera sy ny kolontsaina, izay mpitondra tenin’ny governemanta hatramin’izao ihany koa. Hatramin’ny fotoana mbola naha tale jeneralin’ity minisitera misahana ny angovo sy ny akoran’afo ity lasa minisitra mitantana azy ankehitriny ity no efa saika nibahana ny adihevitra hatrany izany. Fanontaniana mipetraka hatramin’izao ny hoe efa niravina ve ny disadisa sa tsia? Milaza matetika ny minisitry ny angovo sy akoran’afo fa misy ny manao “sabotage” na misopatra ny orinasa Jirama. Iza no tena tian’ity minisitra ity ho tondroina amin’izany? Ireo olom-boafidy na mpitondra na tandapa mitaky ny fialany ankehitriny ve sa ilay minisitra efa nalaza ho nifanolana taminy an-taonany maro sa ireo tale sy mpitantana be dia notorian’ny sy misedra raharaham-pitsarana ankehitriny? Fehiny, ny samy mpitondra izany no tsy mifanaraka dia ny vahoaka hatrany no mizaka delestazy vinanian’ny filoham-pirenena malagasy fa mety mbola haharitra eto Madagasikara hatramin’ny taona 2028.
J. Mirija
Anisan’ireo tazana tetsy Besarety tao anatin’ilay atrikasa nataon’ireo mpahay lalàna,
Voaheloka higadra 2 taona an-trano maizina miampy fandoavana onitra mitentina 300 tapitrisa Ar
Mitombo indray tato ho ato ireo olona manary zanaka eto amintsika. Zazavavy kely mbola menavava vao teraka
Olona miisa 11 be izao no nokaikerin’ny alika romotra tany amin’ny distrikan’i Soanierana Ivongo,
Hita tao anaty rano omaly maraina, tao amin’ny fokontany Morafeno-Ankeniheny,
Nanamarika iny herinandro iny ny fampahafantarana fa ilay teratany Israelianina Ron Weiss