Actualités

.Ny fahafantarana ny lisitra tokana hofidiana biraon’ny holafitry ny manao gazety eto Madagasikara (OJM) no tena nampitselatra ny zava-drehetra.Lisitra tokana, tarihan’ny tompon’andraikitry ny faampahalalam-baovao ao amin’ny Radio Nasionaly (RNM).Izay efa mazava tsara fa eo ambany fiahian’ny ministeran’ny serasera.Milaza fa hanao an-tsakany sy andavany ny asany sy hamerina ny hasina sy toeran’ny asa fanaovan-gazety ny lisitra Tarihan’i Monica RNM.Aoka tsy hifamitaka kosa hoy ny cellule de crise ivondronan’ireo mpanao gazety tsy manaiky ny tsindry bokotra sy letrezana tadiavin’ny ministera hatao ; tsy kilalaon-jaza na sanatria fananan’olon-tokana ny asa fanaovan-gazety fa fiainam-pirenena, ary andry iray lehibe amin’ny fametrahana ny demokrasia sy ny fahalalahana maneho hevitra eto amin’ny firenena.Manomboka mitombo isa ireo mpanao gazety sy fikambanana mpanao gazety mahatsaa fa tsy mety ilay kimaimaika fa sao dia tokony hidinika sy hifanakalo hevitra tsara aloha.Tsapa ihany anefa fa maika sy dodona ny ankilany satria, angamba maika hanendry olona ho ao amin’ny vaomieram-pirenena mahaleotena misahana ny fifidianana na ny CENI, dia atao fotsiny izay hahalany biraon’ny OJM na iza tsy faly na iza tezitra.Tsy hampilamin-javatra izany ary tena hampikorontana ; ilaina ny fifampiresahana raha hanao fampihavanana mihitsy aza tsy misy olana, raha ny hevitry ny ankamaroan’ny mpanao gazety fa tsy tokony atao ady saritaka tahaka izao ity sehhatra iray ity.Ny tsy fantatra mazava hatreto dia ny hoe : ahoana marina ny hevitry ny minisitry ny serasera Lalatiana Rakotondrazafy izay mahafantatra tsara ny tontolon’ny asa fanaovan-gazety satria izy dia anisan’ireo nitolona ho amin’ny fanajana ny hasin’ny mpanao gazety sy ny fanajana ny fahafahana maneho hevitra saingy rehefa nahazo toerana izay moa toa manadino ny fahiny ary tsy mahatadidy intsony ireo fomba fanao tsy nety nahasolafaka ny teo aloha.Tsy mbola tara raha miverin-dalana.
RTT