Actualités

 miisa telo eto Madagasikara Antenimieram-pirenena. Anton’izany ny tolotra izay tena mampikolay ny vahoaka. Mbola mampijaly io hatramin’izao ka miandry ny rehetra hoe : aiza ho aiza ilay fanadihadiana parlemantera amin’izao fotoana izao. “Maro be ny fitarainana voarain’ny solombavambahoaka, ka antony nananganana ny fanadihadiana parlemantera, ny depiote mifanerasera mivantana ny vahoaka, dia mahita ny fitarainana sy ny fimenomenonan’ny mpanjifa. Fahana ampidirina androany alina, tsy hita ny maraina. Ny mpanjifa mitaraina fa tsy mangaraharaha ny vidin’ny “forfaits”. Mba aiza ho aiza ihany koa ny fampidiram-bolan’ireo orinasan-tserasera amin’ny kitapombolam-panjakana?”, hoy ny Solombavambahoaka Mamangy Norbert tamin’ny 8 jona. Nahitsy io depiote io tamin’izany naneho, fa asan’izy ireo tanteraka izany, vonona ny Parlemanta hanao fanadihadiana. Teo anatrehan’io, tsy faly ny orinasan-tserasera, ka nandefa taratasy tany amin’ny Praiminisitra, Filohan’ny Antenimieram-pirenena, Minisitry ny paositra, ny ARTEC. Nambaran’ny depiote Mamangy Norbert kosa fa fanambarana diso io aminy, ka nilazany fa tsy hihemotra eo anatrehan’ny tsindry ny antenimieram-pirenena. Telo volana mahery aty aoriana, miandrandra ny hivoahan’ny tohin’ny fanadihadiana parlemantera ny mpanjifa, ary maniry mba ahafahan’ny solombavambahoaka manao tsindry, mba hiteraka fihatsarana any amin’ny tolotra sitrahan’ny vahoaka satria tsy takona hafenina ny lesoka sy ny zavatra tsy mazava. Ny doka sy ny karazana tolotra mitombo, fa ny tambajotra tena miha mikoroso fahana andro aman’alina.
Toky R