tia tanindrazana

Parution du Jeudi, 30 Juin 2022

airtel

Actualités

Tahotry ny hetraketraka Niditra amin’ny « service minimum » ny QMM

Nanapa-kevitra hampihena ny asany tsy hanao afatsy ireo asa tsy maintsy hatao sy tsy azo hialana na « service minimum» ao amin’ny QMM Taolagnaro ny orinasa Rio Tinto.

20-mai-2022

Sample post image

Antony ny tsy fananany fitoniana vokatry ny fihetsiky ny andian’olona manana olana amin’ny orinasa. Tafiditra ao anatin’io ny fanasokajian’ireo andian’olona an’ity orinasa ity ho manao fandotoana ara-tontolo iainana indrindra fa ny rano, ka nanomboka ny 25 aprily dia nisy ny hetsika nataona olona manodidina ny 200 eo, mitaky fanonerana amin’ny ambaran’izy ireo fa tsy fahafahana manjonno. Anisan’ny antony ny filazana fa nisy trondro maty nitsingevana vokatry ny loto avoakan’ny orinasa. Tetsy andaniny anefa, naneho io orinasa io, fa tsy misy atahorana ny rano araka ny vokatry ny fitsirihana nataon’ny laboratoara. Tsy nampilamina azy anefa izany, nisy ny andian’olona nanakana arabe, nandrahona ny mpiasa,… ka ny 27 aprily dia mpiasa 700 teo ho eo tao amin’ny QMM no tsy afa-nody, voatery nijanona tao amin’ny orinasa. Nandeha ny fifampidinihana sy fifandaminana tato aoriana, saingy mbola naman’ny nitsefotra matoa tonga amin’izao fanapahan-kevitra izao ny QMM. Naneho mantsy io orinasa io, fa tsy manana antoka amin’ny fiarovana ny ain’ireo mpiasany eo anatrehan’ny tsindry sy ny fandrahonana. Ho voafetra tanteraka araka izany ny asa fitrandrahan’ny orinasa. Efa nisy fotoana moa nampikatso ny famatsiana herinaratra an’i Taolagnaro ity orinasa ity noho ny tsy fahampian’ny mpiasa afaka nampiodina ny orinasa vokatry ny sakantsakana nataon’ireo andian’olona. Ahiana hiverina indray io mazava ho azy, ankoatra ny mety ho fiantraikany hafa. Mila mifandamina ny andaniny sy ny ankilany miaraka amin’ny Fanjakana satria sady hanaratsy endrika an’i Madagasikara amin’ny tontolon’ny fampiasam-bola sy fandraharahana io no mety hampikatso tanteraka ny orinasa izay mety manana anjara toerana ara-toekarena. Mila fampianarana ihany koa ny lalàna mikasika ireo fitrandrahana goavana na « grandes mines » satria matetika toa misy fampihinana am-bolony ny vahoaka ihany. Tsy sanatria miaro ireo orinasa goavana fa isan’ny alentika ao an-tsain’ny olona, ohatra, ny hoe : 1% fotsiny ve no miditra amin’ny Fanjakana. Misy karazan-ketra maro, tamberina samihafa, famoronan’asa mivantana sy ankolaka an’aliny,… Raha misy ny lesoka, afaka manatsara ny lalàna ny Fanjakana. Ny hita taratra hatrizay anefa, toa misy ambadika politika no betsaka. Afaka ny hamorona asa an’aliny vetivety ve isika raha misintaka ireny ?
Toky R
 

 

Dans la même rubrique

Card image cap
Aferan-tsolika Ho vitavita ho azy ilay 64 000 litatra nanjavona ?
30-juin-2022

Tsy hita intsony izay marina sy diso mikasika ilay raharaha fahaverezan-tsolika 64 000 litatra teo anivon’ny Jirama. Andaniny,

Card image cap
Raharaha Ninie Donia “Andrasana rahampitso ny didim-pitsarana”
29-juin-2022

Mandrava sy maka ny tanin’ny vahoaka madinika ao Nosy be Hell ville ny karana sy vahiny ary mpanam-bola,

Card image cap
Fahaverezana volamena 36 kg Manjavozavo ny resaky ny praiminisitra
29-juin-2022

Efa tany amin’ny 6 taona lasa no nametrahana io “coffre” io, tany amin’ny taona 2016 tany ho any no efa very ireo volamena 36,433 kg ary tsy fantatra mazava hoe:

Card image cap
Volamena asisika anaty fitombenana Sri Lankais iray indray no tratra teny Ivato
29-juin-2022

Nahatrarana trafikana volamena indray teny amin’ny seranam-piaramanidina Ivato omaly 28 jona 2022 hariva. Teratany Sri lankais iray,

Voir plus