Actualités

 ka fametrahana tambajotra eny amin’ny seranan-tsambo “Conneted ports” na “Ports connectés” no iantsoana azy. Natao hanamorana ny fomba fiasa, hampihenana ny sarany, hampiakarana ny fandriampahalemana ho an’ny mpiasa sy ny faharetana amin’ny fampiasana teknolojia ao anatin’ny faritry ny seranana io. Afaka mifandrindra asa tsara ny fitaterana an-dranomasina sy ny seranan-tsambo amin’io. Araka ny tatitry ny Banky iraisam-pirenena, ny varotra dia manome 60% amin’ny harin-karena faobe na PIM maneran-tany, ka isan’ny niteraka ny finiavana avy amin’ny Ericsson. Ny antontam-baovaon’ny “Chambre Intenationale de la Marine Marchande” mikirakira ny resaka entam-barotra amin’ny sambo, dia maneho fa mitana anjara toerana lehibe, manamora ny 90% amin’ny varotra maneran-tany io. Manamora ny fifakalozana ara-barotra ny seranan-tsambo. Araka ny tatitra feno ny “Connected Ports” dia isan’ny manafaingana ny asa, manome antoka amin’ny fandriampahaleman’ny mpiasa, manatsara ny fitantanana eo amin’ny famenoana sy fanalana entana. Ampahany amin’ny teknolojia ampiasaina ny « drones » izay mitatitra ny antontan-kevitra sy vaovao avy amin’ny sambo makeny an-tanety, izay mampihena ny sarany sy ny fiantraika ara-tontolo iainana, izay ahafahana miantoka ny fanaraha-maso ny filaminana amin’ny seranan-tsambo. Eo ihany koa ny fampiasana ny VGA (Véhicules Guidés Automatisés) izay isan’ny mampihena ny fandaniana angovo sy ny risika amin’ny loza,…. Isan’ny mampiasa io teknolojia io amin’izao fotoana izao ny seranantsambon’i Livourne any Italie, ka isan’ny manamora ny fifanakalozana ao anatin’ny fotoana rehetra ny fampiasana ny 5G. Mampihena hatrany amin’ny 8,2% ny famokarana entona maloto CO2 ny fampiasana azy io.

Toky R