Actualités

 taorian’ny fandalovan’ny rivodoza Batsirai. Marihina fa voafetra ny fitaterana mankany an-toerana vokatry ny fahatapahan’ny lalana”, hoy ny Fampitam-baovaon’ny Orinasa Ambatovy tao amin’ny pejim-baovaony omaly tolakandro. Ity orinasa ity izay tsy vao izao no nitondra fanampiana noho ny voina miseho, raha tsy hilaza afatsy ny fitaovana sy olona nampisaina tamin’ny fikarohana ireo olona tsy hita popoka tao Moramanga, ny fanampiana PPN sy ny maro hafa, ary izao nanome fiamanidina hampiasaina. Nanainga ny sabotsy teo ireo delegasiona avy amin’ny fanjakana Malagasy sy ireo mpisehatra anatin’ny vonjy voina avy any ivelany nihazo an’i Mananjary tamin’ny alalan’ity fiaramanidina an’ny orinasa Ambatovy. Nahitana ny Minisitry ny rano sy ny fahadiovana ary ny fidiovana, ny avy ao amin’ny Fiadidian’ny Repoblika, solotenan’ny ministeran’ny Angovo, solotenan’ny ministeran’ny Mponina, solotenan’ny ministeran’ny Fiarovam-pirenena sy ny ekipan’ny BNGRC izay notarihin’ny Tale Jeneraly Gal Elack Olivier Andriakaja, ary ireo mpiara-miombonantoka Medair, Ocha, Echo, Telecom sans frontière, Unicef, Union Européenne. Voalaza fa tonga hiasa amin’ireo faritra maro tra-pavoazana tamin’ilay rivodoza Batsirai izy ireo, ary koa hanohy ireo asa izay efa natao amin’ny fanarenana ny Faritra tsirairay.

Tsetsatsetsa tsy aritra eo anatrehan’ity fampiasana fiaramanidina an’ny tsy miankina kosa ny hoe : fa aiza ihany ilay fiaramanidina Casa nampiady hevitra sy lasa resabe fa hoe fa nisy vola tsy voaloa kanefa nohitrikitrihin’ny Minisitry ny fiarovana ny 17 septambra 2021 tetsy Mahamasina fa antsika ary mandalo fanamboarana ? Hatramin’izao ve tsy vita ihany ? Moa tsy vanim-potoana tahaka izao no ilàna azy ?
Toky R