tia tanindrazana

Parution du Mercredi, 20 Octobre 2021

airtel

Actualités

Tsy nahaloa vola indray ny fanjakana Nalain’ny tompony ilay fiaramanidina CASA

Navoakan’ny fampahalalam-baovao Frantsay Le Monde fa nalain’ny orinasa Frantsay Sofema ny fiaramanidina Casa CN-235 novidian’ny Filoha Andry Rajoelina ny 2019.

17-sept-2021

Sample post image

 « Mauvais payeur, Madagascar perd son seul avion de transport militaire », hoy ny lohatenin’ny lahatsoratra nosoratan’i Laurence Caramel. Lahatsoratra lava dia lava io, fa raha ny voalazan’ity fampahalalam-baovao vahiny ity, dia hatrany amin’ny 4 tapitrisa euros ny fatiantoky ny Ministeran’ny fiarovam-pirenena noho ny tsy fahatomombanan’ny fandoavana tsikelikely ny vidin’io fiaramanidina io, ka niteraka ny fisintonana tanteraka azy. Ny 16 novambra 2020 no voalaza fa nanapa-kevitra ny hanafoana ny fifanarahana ny Sofema izay mpisehatra havanana amin’ny fifanarahana momba ny fitaovana ara-miaramila, ka naka tanteraka io fiaramanidina io izay efa nikatso tsy nihetsika tao amin’ny seranam-piaramanidin’i Lanseria ao Johannsburg Afrika Atsimo. Nambaran’io lahatsoratra io, fa nampanantena ny minisitry ny fiarovana rehefa nanontaniana, fa hiverina tsy ho ela eto ny fiaramanidina, anton’ny fihemorana ny covid-19, tsy misy vola mbola tsy voaloa, ary milamina ny fifandraisana amin’ny Sofema. Ny 26 jona 2019 no naseho ampahibemaso ity fiaramanidina ity, izay natao lokon’i Madagasikara. Iraka 15 andro ny febroary 2020 ihany no voalaza fa nataony, ary nalefa tao Afrika Atsimo, izay misy ny toeram-panamboarana an’ny Sofema. Voalaza fa nangataka ny hanofa mpanamory sy mpanamboatra ahafahan’ny fiaramanidina hanidina ny Fanjakana Malagasy. Nisy resa-bola an-tapitrisany euros ankoatra ny 7,3 tapitrisa euros vidin’ny fiaramanidina. Nisy ihany koa anefa ny fifanarahana fiandry nataon’ny Sofema. Ny 21 jona 2021 dia voalaza fa nandefa taratasy tamin’ny minisitry ny fiarovana ny Tale Jeneralin’ny Sofema Guillaume Giscard d’Estaing momba ny lesoka miverimberina tamin’ny fandoavan’ny Ministeran’ny fiarovam-pirenena vola, ka mizotra mankany amin’ny fehin-kevitra tsy azo ivalozana voarakitry ny fifanarahana tamin’ny 16 novambra 2020,… Mbola lava ny momba io raharaha io, saingy ny fehiny dia hoe: efa notsoahina tamin’I Madagasikara ity fiaramanidina ity, izay nireharehan’ny Filoham-pirenena fatratra, nolazaina fa mariky ny fiandrianam-pirenena,… saingy zary lasa manala baraka ny tafika Malagasy ny ataon’ny mpitondra. Andrasana indray izay ho ambaran’ny fitondram-panjakana momba ity raharaha iray ity.
Toky R
 

Dans la même rubrique

Card image cap
« Agents » an’ny ladoany leo kolikoly Nanao taratasy fitarainana sy ampamoaka goavana
20-oct-2021

Nandefa taratasy misokatra ho an’ny Sendikan’ny Fadintseranana Malagasy sy ny mpiara-miasa aminy ireo Fikambanan’ny “Agents”

Card image cap
Analamanga Park Vita ny asa fanavaozana, misokatra amin’izay
18-oct-2021

Niverina nisokatra nanomboka ny Sabotsy teo ny toeram-pialamboly sy fitsangantsanganana “Analamanga Park” ao anatin’ny kaominina ambanivohitra Ambalavao, distrikan’Antananarivo Atsimondrano.

Card image cap
Fiara mpanara-dia ny Filoha tra-doza Ankizy 5, vehivavy 1 ary miaramila 4 naratra
18-oct-2021

Fiara mifono vy an’ny tafika nanaraka ny filoham-pirenena na “cortège présidentiel” no tra-doza teny Ambatobe omaly alahady 17 oktobra hariva. Olona 10 no naratra naratra,

Card image cap
Fanesoesoana tsy fahasalaman’olona Tezitra amin’ny minisitra ny mpanao gazety vehivavy
18-oct-2021

Naneho ny alahelony ny Fikambanan'ny vehivavy mpanao gazety eto Madagasikara - Association des Femmes journalistes de Madagascar- FJM,

Card image cap
May indray Ankarafantsika Niniana nodorana, iray voasambotra
18-oct-2021

Nanomboka ny sabotsy no miady mafy amin'ny afo mandravarava ny valanjavaboaharin’Ankarantsika ny ekipan'ny Ministeran'ny Tontolo Iainana sy ny MNP (Madagascar National Parks),

Card image cap
Biby Malagasy hitadiavam-bola any ivelany Hifandinihana amin’ireo firenena ahitana azy
18-oct-2021

« Zavatra mampalahelo sy mahamenatra ny fisian’ny zava-manan’aina tsy hita afa-tsy eto Madagasikara, harenantsika, kanefa any amin’ny firenen-kafatra indray no lasa ahitana azy betsaka »,

Voir plus