tia tanindrazana

Parution du Vendredi, 20 Mai 2022

airtel

Actualités

Vahaolan’ny delestazy Fitanisana olana sy fanilihana ny rihitra hatreto

Ritina any amin’ny resaka fandorana niniana natao ny olana miseho any Andekaleka. Tsy misy mandà izany, ary adidin’ny Fanjakana sy zony ny mampisambotra ireo ambara fa tompon’antoka tamin’ny asa ratsy.

12-janv-2022

Sample post image

 Fa ahoana tokoa moa ny resaka lamina sy fiambenana ao Andekaleka ao? Angaha azon’ny rehetra hidirana? Mbola mahagaga ihany koa ary efa nametrahana fanontaniana ny hoe: may ny fitaovana sy ny toby ny 02 janoary dia ny 06 janoary efa misy fitaovana 17 kaontera tonga tao amin’ny seranantsambo. Toa mametraka ahiahy any amin’ny hoe: sao mba efa horonan-tsary tsara homana? Na izany aza, any no toa tena hisintonana ny sain’ny olona, fa ity delestazy lava reny mampikolay ny vahoaka ity hodiana tsy fantatra sy tsy resahina firy. Ny famokarana angovo amin’ny rian-drano lazaina fa afaka 6 ka hatramin’ny 8 volana vao tena hiverina amin’ny laoniny ny any Andekaleka, kanefa ny famatsiana amin’ny solika ihany koa toa misy olana? Ritina any amin’ireny ny olana, fa ny vahoaka mila miaritra. Sasatry ny mitady izay hamaharana sy hanilihana ny rihitra, manenjika sy manaratsy ireo mpitondra teo aloha ho tsy nahavita sy tsy nikojakoja. Mandeha anefa ankehitriny ny famohazana ny tantara, fa ny taona 2008 dia nisy ny antso tolo-bidy mitentina 730 000 dolara na 1,3 miliara Ar tamin’izany fotoana ho fanarenana ny Jirama Andekaleka tamin’ny andron’ny Tale Jeneraly Bernard Rohmann. Nisy famatsiam-bola 18 miliara Ar tamin’ny Banky Iraisam-pirenena ihany koa. Niongana anefa ny Fanjakana ny 2009, ary nanomboka teo ny tena fahapotehan’ny Jirama, nahatratra 700 miliara Ar ny fatiantoka nanomboka teo noho ny politika tamin’ny sarany tsy nahomby na “politique tarifaire inefficace”, izay tsy voalanjalanja tao anatin’ny 10 taona,… Izao anefa mirehareha fatratra sy manenjika ny hafa, kanefa isan’ny tsangam-baton’ny fahapotehana.
Toky R
 

Dans la même rubrique

Card image cap
Tahotry ny hetraketraka Niditra amin’ny « service minimum » ny QMM
20-mai-2022

Nanapa-kevitra hampihena ny asany tsy hanao afatsy ireo asa tsy maintsy hatao sy tsy azo hialana na « service minimum» ao amin’ny QMM Taolagnaro ny orinasa Rio Tinto.

Card image cap
La Haute ville sy Andavamamba Amidy 80.000 Ar ny iray grama amin’ny heroine
20-mai-2022

Lehilahy miisa 04 no voasambotry ny Sampan-draharahan’ny Polisim-pirenena misahana ny ady amin’ny zava-mahadomelina teny La Haute ville sy Andavamamba afak’omaly alarobia 18 mey noho ny fivarotana heroine fantatry

Card image cap
Soanierana Ivongo Tratra ilay rangahy nitondra vola 13.000.000 Ar nandositra
20-mai-2022

Ela ny ela fa tratran’ny mpitandro ny filaminana ihany ilay lehilahy iray nampitondraina vola mitentina 12.700.000 Ar mba omena olona nefa nentiny nitsoaka.

Card image cap
Tsararano Mahajanga Tovovavy 14 taona maty novonoin’ny sakaizany
19-mai-2022

Tovovavy kely iray vao 14 taona monja no maty novonoin’ny sakaizany ny alin’ny alahady 15 mey hifoha alatsinainy 16 mey lasa teo.

Voir plus