.jpg)
Lazain’ny Amerikanina fa tsy mitombina ny filazan’i Russie fa hitady vahaolana ara-diplaomatika, fa ny mifanohitra amin’izany aza ny fihetsika ataony. Nohamafisin’ny OTAN (Organisation de la Traité de l’Atlantique Nord) izay vovonana ara-tafika sy ara-stratejika fa tsy hita tamin’ny zana-bolana izany fanesoran’ny Rosiana ny miaramilany izany. Omaly, voalaza fa nisy ny fifandonana teo amin’ny tafika Ukrainien sy ireo Pro-Russe ao amin’ity firenena ity satria nahenoana daroka baomba tany Donetsk.
AIRBUS
NAHAZO TOMBOM-BAROTRA 4,2 MILIARA EUROS
Nahatsipaka ny krizin’ny coronavirus ny orinasa mpamokatra fiaramanidina Airbus. Nahazo tombony mihoampampana 4,2 miliara euros ity orinasa ity nandrindra ny taona 2021. Voalaza fa mbola tsy nisy teo amin’ny tantaran’ny Airbus io ka voasokajy ho “record”, ary efa miverina ihany koa ny « versement d’un dividende » 1,5 miliara euros isaky ny « action » taorian’ny fanafoanana azy nandritra ny roa taona. Vokatry ny fahafahana namoaka ireo kaomandy izay efa tena niverina no antony satria namoaka fiaramanidina ara-barotra 611 ny orinasa ny 2021, ary 720 no tanjona ho an’ny 2022, ary mikasa hampiditra mpiasa 6000. Nanafoana asa 15000 tsy nisy fandroahana tanteraka, ary efa miverina amin’ny laoniny ny 10000.
ORAM-BE TANY BRESIL
TAFIAKATRA 104 NY NAMOY NY AINY
Olona 104 raha kely indrindra no namoy ny ainy tany Petropolis any Brésil vokatry ny tondra-drano goavana miseho any an-toerana sy ny fihotsahan’ny tany. Antontan’isa vonjimaika navoakan’ny « Défence civile » any an-toerana io, roa andro taorian’ny oram-be, izay tsy mbola fahita tao anatin’ny 90 taona ny heriny. Isan’ireo tanàn-dehibe mahasarika mpizahatany any amin’ny tapany Atsimo Andrefan’i Brésil moa i Petropolis.
Toky R
