.jpg)
Olona 6/10 no maniry ny tsy tokony hirotsahany intsony, 32% monja no mbola hirotsahany. Ny 55% tamin’ireo olona nanaovana fanadihadiana no naneho, fa tsy mendrika ny ho lany ho filoha intsony I Emmanuel Macron, raha toa ka ny 56% kosa ireo naneho fa tsy manana ny fahaiza-manao hamoahana an’I France amin’izao krizy misy ankehitriny izao ity filoha Frantsay ity. Ny 40% tamin’ny nohadihadiana kosa no naneho fa miabo ny vokatra azon’I Macron tamin’ny toekarena, 39% kosa izany ho an’ny fahasalamana, 37% kosa no afa-po sy naneho fa miabo ny fiarovana ara-tsosialy. Ny fanadihadiana hafa tany aloha kosa moa dia nilaza fa mbola I Macron sy Marine Le Pen no ho tafiakatra fihodinana faharoa, ary ho lany ny Filoha am-perinasa. Asa inona no tena hiseho?
GOVERNEMANTA AFGHAN
MUHAMMAD HASSAN AKHUND NO HITARIKA AZY
Navoakan’ny mpitondra tenin’ny Talibans Zabihullah Muhajid omaly anaran’ny Praiminisitra vaovao any Afghanistan, ka I Muhammad Hassan Akhund izay isan’ny namorona ny Talibans no hitarika izany. Laharana faharoa kosa I Abdul Ghani Baradar, isan’ny niara-namorona io vondrona io sady isan’ireo nandray anjara tamin’ny fifampidinihana tany Doha Renivohitr’I Qatar. nitarika tamin’ny fisitahan’ny Amerikanina tany Afghanistan. Voatendry ho minisitry ny raharaham-bahiny ihany koa I Amir Khan Muttaqi izay “negociateur” tany Doha. Tetsy ankilany, olona 2 no namoy ny ainy, ary 8 no naratra omaly tany Hérat, tanàn-dehibe any amin’ny tapany andrefan’I Afghanistan, vokatry ny tifitra tamin’ny fihetsiketsehana tsy fankasitrahana ny Fanjakana Taliban. Toerana maro no nisy fihetsiketsehana.
PSG≠CLERMONT
BANGA BE DIA BE NY MPILALAO PARIZIANINA
Misedra fahasahiranana amin’ny ho fandaharana ireo mpilalao 11 voalohany hijoro amin’ny sabotsy izao manoloana ny lalao handraisana an’I Clermont ny mpanazatra ny PSG Mauricio Pochettino. Tsy misy eo ireo mpilalao avy any amin’ny Faritra Amerika Atsimo noho izy ireo voaantso handrafitra ny ekipam-pirenena, toa an-dry Messi, Neymar, Di Maria,… I Marquinhos ihany no navotsotry ny Breziliana afa hitazona ny toerany ao amin’ny PSG. Mbola misy mpilalao tsy tena tomombana sy manahirana anefa ny hampilalao azy, toa an’I Mbappé izay avy naratra ka nandao ny ekipam-pirenena Frantsay, toy izany ihany koa I Marco Veratti izay vao avy nandao ny ekipa Italianina, I Sergio Ramos izay mbola manalasala.
Toky R
