taty amin’ny kaontinanta Afrikanina izay 135 000 eo, raha ny tatitra ny faran’ny herinando teo. Niakatra ho 15% ny taham-pahafatesana ny herinandro lasa teo, ary voalaza fa amina firenena 5 (Afrika Atsimo, Tunisie, Zambie, Ouganda, ary Namibie) ny ¾ ny tranga vaovao. Any RD Congo, nihoatra ny PIC tamin’ny janoary indray ny tranga vaovao. Tena ao anatin’ny onja fahatelo I Afrika, ary mampitahotra, hoy ny Dr Matshidiso Moeti Lehiben’ny OMS Afrika. 4 herinandro tsy nampitsaha-nitombo, dia niakatra hatrany amin’ny 20% ny tranga amina firenena 22. Any Eoropa ihany koa, hanjaka sy hitana ny 90% amin’ny tranga vaovao any Eoropa manomboka izao, ka hatramin’ny faran’ny volana aogositra ny “Variant delta”, endrika iray isehoan’ny coronavirus, raha ny tombatomban’ny Tombanan’ny Ivon-toerana Eoropeanina momba ny fanaraha-maso ara-pahasalamana (ECDC). Miverina miakatra ny “variant Delta” any Israël, Angleterre,Usa, Russie,… na efa betsaka aza ny olona vita vaksiny, mainka fa raha isika marisarisa io. Midika ny toe-java-misy fa ambony be ny risika na avy aty Afrika na avy any Eoropa. Mila mitandrina mafy I Madagasikara, izay goragora hatrany. Ahiana ny ary azo eritreretina foana ny hampidangana ny tranga vaovao indray raha tsy mitandrina isika. Zava-doza ihany koa raha tafiditra eto ny “Variant Delta”, izay sokajiana ho isan’ny tena miparitaka haingana be. Tsy ampahafirin’ny firenena matanjaka isika, ary tsy afaka ny hirehareha amin’ny ambara fa paikady napetraka, toy ny hoe efa voaaron’ny CVO, CVO+,… Milaza hanavotra izao tontolo izao, kanefa fitiliana ny coronavirus aza mbola iandrasana ny vahiny. Ny firenena efa lasa lavitra amin’ny ara-pahasalamana sy fitsaboana na “sytème de santé” aza sahirana.
Toky R