.jpg)
ary efa tafiakatra 1406 ny lavo hatrizay nahatafidirany teto nanomboka ny martsa 2020. Somary nisy fihenany kosa ny tranga vaovao satria nahatratra 305 izany ny herinandro teo alohany. Fitiliana 6891 no nahitana ireo tranga vaovao 189, manome salan’isa 2,7%. Teto Analamanga avokoa ny 164, Vakinankaratra 9, Vatovavy Fitovinany 5, Atsimo Andrefana 3, Boeny 3, Matsiatra Ambony 3, Diana 2, ary iray avy tany Atsimo Andrefana sy Anosy. Mahatratra 606 ireo mbola manaraka fitsaboana amin’izao fotoana izao, ka ny 9 no ao anaty sokajy misy fahasarotana na “formes graves”. Entanina hatrany hitandrina sy hanao fiarovan-tena amin’ny alalan’ny vaksiny ny tsirairay satria tena mbola eto, ary tsy mbola resy ny coronavirus, izay mamono olona hatrany.
Toky R
