.jpg)
Mikatona mandritra ny 15 andro ireo sekoly ireo araka ny fepetra noraisin'ny manam-pahefana tany an-toerana. Efa voamarin'ny talem-paritry ny fahasalamana tao Morondava mantsy ny fisian'ny trangana coronavirus taorian'ny fitilina natao. Voalaza fa efa mandray ny fitsaboana ireo olona voatily ny toeram-pitsaboana any an-toerana ary namafisin'ny tomponandraikitra fa ampy ny fanafody eo am-pelatanana. Tsy nisy kosa ny isa ofisialy, fa raha ny nahoraka ny herinandro lasa teo, dia am-polony dia voalaza fa am-polony ny trangana coronavirus tao Morondava. Nidina tany an-toerana ny polisy avy ao amin'ny FIP (Force d’Intervention Rapide) avy aty Antananarivo hanampy ny polisy any an-toerana hanara-maso ny fanajana ireo hetsika sakana rehetra, anisan'izany ny fanaovana aro-vava orona. Naverina nosokafana ny CRCO (Centre Régional de Commandement Opérationnel) ao Morondava manoloana ny toe-java-misy any an-toerana. Raha zohiana dia tafiditra anaty karazana hamehana indray izany I Morondava. Mila mailo sy mitandrina rehetra, indrindra fa ao anatin’izao fiverenantsika amin’ny fisokafan’ny sisin-tany izao.
Toky R
