Edito

 amin’ity firenena ity. Samy mandroso izany vahaolana izany indray amin’izao fotoana izao ny isan-tsehatra. Na mpandinika fiarahamonina io. Na mpahaitoekarena, eny, mpanohitra izao fitondrana mijoro izao. Amin’ny ankapobeny dia saika te hampitodika amin’ny fanetsehana ireo otrikarena na loharanon-karena ato anatin’ity firenena ity ny ankamaroan’izany vahaolana izany ary saika mahita ny maro fa fotoana natao hanararaotana izany izao. Ny resaka angovo azo avaozina, na harena an-kibon’ny tany, na famokarana ara-tsakafo, na fampitomboina ny fampidirana vola vahiny eto amin’ity firenena ity sy ny hafa marobe ary mahavelom-panantenana indray aza hoe mbola misy ihany kay ny jery lavitra azo atao ary tena maro lafy ny vahaolana ialana amin’ity fahantrana mangitsokitsoka ampiainana antsika mianakavy ity. Miandry anefa hatreto. Toa ny vahaolana efa tokony nampiharina tamin’ny 2 taona lasa no izao vao mody hampiharina tsy fidiny izany? Nalana ny ampahany bitika tamin’ireo tandapa tokony efa ela no nanongotana azy tamin’ny toerany. Etsy ankilany anefa dia toa atao mitety seza ao amin’ny governemanta ao ireo minisitra nifandimbindimby hatramin’izay nipetrahan’ity fitondrana ity teo. Lavin’ny mponina voakasika indray io tetikasa Tanamasoandro faharoa. Mijanona ho tetikasa moa izany izay hatreto satria mbola tsy mety tanteraka saingy tsy dia any loatra intsony angamba no tokony hipetrahan’ny adihevitra fa ny hoe tsy efa mazava ve izany izao fa tsy fotodrafitrasa mamirapiratra aloha no ilain’ity vahoaka Malagasy miha tafihan’ny hanohanana ity fa ny hamahany izay olan’ny kibony sy ny maha olona azy rehetra izay? Aroso foana aloha ny vahaolana.
\J. Mirija