airtel

Edito

12-févr-2024

Edito Rahoviana vao ho tsaboina?

Miroso amin’ny fitotonganana hatrany ankehitriny

Sample post image

ny fiarahamonina malagasy rehefa mijery ny tsy fanjariana amin’ny

12-févr-2024

endriny rehetra saika miseho isan’andro eto amin’ity firenena ity. Tsy maha rototra ny manao tsinontsinona ny aina, raha ny lafiny fandriampahalemana no ambara. Ny fokonolona tsy rototra manapatapa-tanana an’ireo dahalo. Ny dahalo rahateo moa zary efa lasa manao lamaody ity manendaka voamaso ity ary dia tsy voatery ho maso solon’ny maso, araka ilay voasoratra anaty Baiboly Kristianina, intsony izany izy ity fa mety sady ho solon’ny maso no solon’ny tanana no solon’ny loha ihany koa, araka ireny efa hita am-bolana vitsivitsy ireny sahady. Zandrikely vao 22 taona izao farany teo dia hoe nahavita nisoloky 4 tapitrisa Ariary be izao ny mpampiasa azy. Ny sasany ao anaty fahatanorany no manolana olona, izay efa sady zazavavy no mbola manana fahasembanana ihany koa. Fanontaniana mipetraka eny anivon’ny fiarahamonina rehetra eny moa amin’izao fotoana ny hoe fa maninona ary isika mpiara-monina ankehitriny no lasa mora tezitra sy tsy tohinina? Tahatahaka izany kosa ve moa no endri-piarahamonina misy eto amin’ilay firenena ankehitriny? Mbola manampy trotraka, ankilan’izay, ny fofona tsy zaka amin’ny fako misavovona sy ny tatatra tsentsina. Raha tsy mifanambaka dia mifampisoloky hatraty ambany ka hatrany an-tampony. Rahoviana vao ho tsaboina izany rehetra izany? Endri-pitantanana ny firenena tahaka izao hitantsika izao ve, eny, rafitra tahaka izao hitantsika izao ve mety hahavaha izany olana rehetra izany ihany indray androany, raha toa ka tao anatin’ny 15 taona latsaka kely izany izao tsy nety nahitana vokatra niabo na teo amin’ny lafiny politika io na toekarena na sosialy, indrindra, moa fa fanabeazana? Fanontaniana mipetraka amin’ny rehetra!
J. Mirija
 

Dans la même rubrique

24-juil-2024

fa tena miasa ny Filoham-pirenena, ka ny zavatra tsy tokony hataony aza toa savihiny ho anjara asany.

Card image cap
23-juil-2024

Niaraha-nahita koa ny 2013 hatramin’ny 2018, iny moa hifanilihana matetika eo.

Card image cap