airtel

Edito

16-janv-2023

Edito

Fitaovana hatramin’ny soatoavina

Sample post image

Misafotofoto vao maraina ihany moa ankehitriny ny raharaham-pirenena rehefa mijery ny zava-nisy tao anatin’izay tapaky ny volana janoary 2023 izay.

16-janv-2023

Efa notanisaina teto ny fitokonana faobe sahadin’ireo mpiasam-panjakana sasany, ny fiapangana amin’ny resaka vaovao tsy marina toy ny raharaha any Ikongo sy ny ao atsimo atsinanana, toy izany koa ny famerenana mpampaneno lakolosy any am-ponja, ny fitotongan’ny vola malagasy sy ny maro samihafa. Manoloana izany dia maro sahady ihany koa ireo herivelona eto amin’ny firenena na mpanao politika io na fikambanana na fiarahamonim-pirenena, hatramin’ireo mpisehatra ara-tsosialy sasany aza dia manahy ny amin’ny mety hipoahana korontana na sanatrian’izany rotaka mihitsy eto amin’ity firenena ity raha toa ka mbola mizotra amina lalana efa fantatra fa tsy ahombiazana ny mpitondra ankehitriny. Tsy inona moa izay lalana tiana ambara izay fa dia ny efa hita raha tsy hiresaka ny tao anatin’izay 4 taona izay fotsiny. Tsy mila miresaka ny hatramin’ny fotoana nanomboka tamin’ny fanonganam-panjakana 2009 akory. Ny fomba fitantanana rehetra niainana teto tao anatin’izay fotoana izay dia hiaraha-migoka ankehitriny ny vokany. Sandam-bola mitotongana, vidin-tsolika mampikaikaika, vidim-piainana mampikolay, tsy fandriam-pahalemana mampitaintaina, sosialy sy fahasalamana mampanaintaina. Izany rehetra izany no vokatr’ireo fampanantenana miaraka amin’ny datim-panatanterahana mihemotra lava, ny olan’ny herinaratra mamotika fihariana maro, ny volamena nivadika vy, ny andramena mitokona fotsiny ao amin’ny misy azy ao tsy fantatra mazava hoe nanao ahoana no niafarany, izao koa tsy fantatra mazava hoe oviana ny tolo-bidina fotodrafitr’asa sasany, hay efa vita tao amin’ny mangingina, mba tsy hilazana hoe tsy tao amin’ny mangarahara toy ny fitantanana ny volan’ny COVID tao. Izao misy ity resaka fivarotan-jaza any amin’ny faritra sasany ity dia lazaina tsy am-pihambahambana fa tsy misy an’izany satria tsy soatoavina malagasy izany. Oviana moa teto no tsy nisy soatoavina malagasy tsy voadika? Ny zafikelin’ny sasany aza aolany. Sa hiteny indray ny mpitondra fa tsy mbola nisy an’izany na dia efa ho am-polony aza ny tranga toy izany voatatitr’ireo filazam-baovao isan’andro? Lava be moa ilay izy raha tohizana fa dia zary hita ho mitady ho lasa fitaovana hatramin’ny soatoavina ihany koa izany izao ankoatran’ny resaka sendika sy fikambanana na toe-draharaha hafa.
J. Mirija
 

Dans la même rubrique

21-juin-2024

ny hoe faly manakihana fotsiny ny mpanohitra fa tsy mba mitondra vahaolana.

Card image cap
20-juin-2024

valim-pifidianana ofisialy avoakan’ny Fitsarana avo momba ny lalàmpanorenana.

Card image cap