Edito

rehetra ivelan’ny ao an-dapa ao. Fahantrana lalina no hita sy hiarahantsika miaina hatramin’izao. Fahagagana na sanjila, hoy ny filazan’ny tanora azy izay, raha mbola misy tokantrano malagasy mba mandroso fari-piainana ao anatin’izao raharaham-pirenena izao. Anaty fahasahiranana ny 99%n’ny malagasy, hoy ny antoko politika iray izay. Mionona anaty tsy fahanjariana koa isika, hoy ireo mpandinika ny zava-misy. Efa lala-masaka eto ankehitriny ny tsy fihetseham-bolo-maso manoloana zava-mamoha henatra na “scandale” maha voarohirohy mpitondra na tena ataon’ny sasany amin’izy ireo mihitsy. Omaly fotsiny izao dia sady nahenoana hoe depiote, olona mitonona ho mpanolontsaina minisitra, mampiasa ny anaran’ny fiadidiana ny repoblika mihitsy no voalaza indray fa nahitana izany “scandale” izany. May ny tanana. Tsy misy ataontsika mianakavy afa-tsy ny mimenomenona ao anaty tambazotran-tserasera. Miha mafy ny vidim-piainana, mihena ny fahefa-mividy, hatramin’ny karama raisina isam-bolana aza ambanana ho ampidinina manoloana izany rehetra kanefa ilay fiarahamonona dia tsy mahita atao afa-tsy ny miara-mionona ao anatin’izany lala-masaka hiaraha-mahita fa tsy hitondra vahaolana izany.
J. Mirija