Edito

Tsy vao izao io fananarana ny fitondram-panjakana, indrindra, ny filoham-pirenena tsy hihevitra afa-tsy ny hoe izy sy ny fitondrany irery ihany no nanomboka an’ity babay sy lohavohitra ity io. Efa ela no nanoroana ny tena tokony ho laharam-pahamehana mifanaraka amin’ny filan’ny vahoaka eny ifotony ivoahany ao anatin’izao fahasahiranana sy fahantrana lalina izao. Isany ny maha laharam-pahamehana ny famoronana asa, ny fampiroboroboana ny fambolena sy fiompiana, ny fanohanana sy fampiroboroboana ny fizahantany mialohan’ny fananganana fotodrafitrasa mamiratra jerena nefa tsy misy mpampiasa ary mety hampidi-trosa tsy hita noanoa ho an’ny taranaka fara-mandimby avy eo. Dia mifandray amin’ilay resaka fanaovana serasera tsy mety miova hatramin’izay natsidika teo ihany io. Maha roboka ny tsy ampy fandinihana tokoa aloha ilay endrika ivelany manjelatra dia manjelatra na dia tsy ampy betsaka fotodrafitr’olona sy fotodrafitrasa aza saingy izao mbola mandrendrika ny firenena tao anatin’ny 13 taona izao kosa nefa ny tohiny. Ny filoham-pirenena sasany amina firenen-dehibe ataon’ny tena filamatra sahy milaza amin’ny vahoakany fa vonona hanova praograma raha mahita izany fa tsy mahasoa ny vahoaka saingy ny antsika moa izany hatreto na dia teo aza ny krizy maro izay efa nolazainy izy tenany sy ny mpiray donakafo aminy ihany hoe tsy nampoizina dia mbola tohizana amin’ny efa nosoritana ihany ny lalana na dia tsy mety maha tafavoaka hatramin’izao aza.
J. Mirija